इंग्लंडला धक्का, जेम्स अँडरसन अ‍ॅशेस मालिकेतून बाहेर

अ‍ॅशेस मालिकेत १-१ बरोबरी साधल्यानंतरही इंग्लंडच्या संघासमोरची विघ्न कमी होताना दिसत नाहीयेत. इंग्लंडचा आघाडीचा जलदगती गोलंदाज जेम्स अँडरसन दुखापतीमुळे अ‍ॅशेस मालिकेतून बाहेर पडला आहे. पहिल्या कसोटी सामन्यात इंग्लंडला पराभवाचा धक्का सहन करावा लागला होता, याच सामन्यात अँडरसनला सामन्यादरम्यान दुखापत झाल्यामुळे तो सामना मध्यावर सोडून ड्रेसिंग रुममध्ये परतला होता.