James Anderson: कोणासमोर गोलंदाजी करणं अवघड? ‘या’ दिग्गज भारतीय खेळाडूचं नाव घेत अँडरसन म्हणाला…

स्काय स्पोर्ट्सशी बोलताना एका प्रश्नाचे उत्तर देताना अँडरसन म्हणाला: “मी गोलंदाजी केलेला सर्वोत्तम फलंदाज म्हणजे सचिन तेंडुलकर मी म्हणेन.” अँडरसनने भारतीय संघाविरुद्ध कसोटीमध्ये सर्वाधिक विकेट घेतले आहेत. अँडरसनने भारताविरुद्ध १४९ विकेट्स घेतल्या आहेत. ज्यामध्ये अँडरसनने सचिन तेंडुलकरला कसोटीत एकूण ९ वेळा बाद केले आहे. सचिनविषयी बोलताना अँडरसन काय म्हणाला पाहूया.

हेही वाचा – Ben Stokesने कसोटी क्रिकेटमध्ये रचला इतिहास, इंग्लंडसाठी ही कामगिरी करणारा ठरला पहिला खेळाडू

अँडरसनने सचिनला नऊ वेळा बाद केले असेल पण तो भारतीय मास्टर ब्लास्टरविरुद्ध कोणतीही निश्चित योजना करू शकला नाही. जेव्हा अँडरसनला विचारले गेले की त्याने गोलंदाजी केलेला सर्वाेत्कृष्ट फलंदाज कोण होता, तेव्हा तो म्हणाला, “मला म्हणायचे आहे की सचिन तेंडुलकर सर्वोत्तम फलंदाज आहे. मला आठवतं नाही की सचिन तेंडुलकरविरूद्ध कधी खास रणनिती आखली होती.”

अँडरसन पुढे म्हणाला, “तो एकदा मैदानात फलंदाजीला आला की मी फक्त इतकाच विचार करायचो मी त्याला एकही खराब चेंडू टाकू शकत नाही. तो खेळाडूही तसाच होता. तो भारतासाठी इतका महत्त्वाचा खेळाडू होता की त्याला बाद केल्यानंतर भारतातील मैदानावरील चित्र बदलून जायचं. सचिनची विकेट खूप मोठी असायची.”

हेही वाचा – BCCIचा गौतम गंभीरला धक्का, प्रशिक्षक म्हणून निवडलेल्या कोचिंग स्टाफला बोर्डाने दिला नकार

अँडरसनने मात्र सांगितले की, “मी आणि तेंडुलकरने एकमेकांविरुद्ध यश मिळवले आहे. तो म्हणाला, ‘तुम्ही नेहमीच सर्वोत्तम चेंडू टाकण्याचा प्रयत्न करता आणि आशा करता की तो सरळ चेंडूवर चूक करेल. इंग्लंडमध्ये तो एक-दोनदा खेळायचा पण साधारणपणे मी त्याला लवकर एलबीडब्ल्यू आऊट करण्याचा प्रयत्न करायचो.”

हेही वाचा – Champions Trophy: भारतीय संघ पाकिस्तान दौऱ्यावर जाणार नाही, BCCI ने ICC समोर मांडला नवा प्रस्ताव

अँडरसनने २१ वर्षे कसोटी क्रिकेट खेळून वेगवान गोलंदाजांसाठी एक आदर्श ठेवला आहे. १८८ कसोटी सामने खेळणारा एखादा गोलंदाज पुन्हा क्वचितच घडेल, असे म्हणणे वावगे ठरणार नाही. ७०० विकेट घेणारा तो पहिला वेगवान गोलंदाज आहे आणि त्याने भारत दौऱ्यात आपल्या ७०० विकेट्स पूर्ण केल्या होत्या.