जसप्रीत बुमराहच्या पुनरागमनाची वेळ ठरली, भारतासाठी आनंदाची बातमी

बुमराहला झालेल्या दुखापतीमुळे त्याला उपचाराकरता इंग्लंडला नेण्यात आलं होतं. मात्र वैद्यकीय तपासणीनंतर त्याच्यावर शस्त्रक्रिया करण्याची गरज नसल्याचं स्पष्ट झालं. दिवाळीच्या दिवसांमध्ये जसप्रीतने व्यायामावर भर दिल्यामुळे तो लवकरच बरा होईल, असं वैद्यकीय पथकातील एका सुत्राने IANS वृत्तसंस्थेशी बोलताना सांगितलं.

जानेवारी महिन्याच्या अखेरीस भारतीय संघ न्यूझीलंड दौऱ्यावर जाणार आहे. या दौऱ्यात भारतीय संघ २ कसोटी, ३ वन-डे आणि ५ टी-२० सामने खेळेल. त्याआधी घरच्या मैदानावर भारताला श्रीलंका आणि ऑस्ट्रेलियाचा सामना करायचा आहे. या मालिकेत बुमराह भारतीय संघात पुनरागमन करेल अशी शक्यता वर्तवण्यात येते आहे.