Joe Root breaks Sachin Tendulkar’s world record : बॅझबॉल शैलीसाठी प्रसिद्ध असलेल्या इंग्लंडने न्यूझीलंडविरुद्धच्या पहिल्या कसोटीच्या चौथ्या दिवशी टी-२० शैलीत ८ विकेट्सनी दणदणीत विजय नोंदवला. या सामन्यात इंग्लंडचा फलंदाज जो रूट शानदार खेळी साकारत सचिन तेंडुलकरला मागे टाकत विश्वविक्रम केला आहे. त्याने एकाच सामन्यात तीन महान खेळाडूंना मागे टाकले. जो रूट आता कसोटी क्रिकेटच्या चौथ्या डावात सर्वाधिक धावा करणारा जगातील पहिला फलंदाज ठरला आहे. त्याने न्यूझीलंडविरुद्ध कॅसचर्चमध्ये १५ चेंडूत २३ धावांची तुफानी खेळी खेळली.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

यासह त्याने दक्षिण आफ्रिकेचा माजी कर्णधार ग्रॅमी स्मिथ, त्याच्या संघाचा माजी कर्णधार ॲलिस्टर कुक आणि क्रिकेटचा देव म्हटल्या जाणाऱ्या सचिन तेंडुलकरला मागे टाकले आहे. कॅसचर्च कसोटीपूर्वी, चौथ्या डावातील त्याच्या कसोटी धावांची संख्या १६०७ होती, जी या सामन्यानंतर १६३० झाली आहे. या सामन्यात त्याने पाच धावा करताच ग्रॅम स्मिथ आणि ॲलिस्टर कुकला मागे टाकले. यानंतर १९ धावा करताच तो कसोटी क्रिकेटच्या चौथ्या डावात सर्वाधिक धावा करणारा फलंदाज ठरला. आतापर्यंत कसोटी क्रिकेटमधील या कामगिरीची नोंद सचिन तेंडुलकरच्या नावावर होती. चौथ्या डावात त्याने १६२५ धावा केल्या होत्या, मात्र कसोटी सामन्याच्या चौथ्या डावात जो रूटच्या धावांची संख्या १६३० झाली आहे. त्याच वेळी, ग्रॅमी स्मिथ आणि कुक यांनी आपापल्या संघांसाठी प्रत्येकी १६११-१६११ धावा केल्या आहेत, तर शिवनारायण चंद्रपॉलने १५८० धावा केल्या आहेत.

कसोटी क्रिकेटच्या चौथ्या डावात सर्वाधिक धावा करणारे खेळाडू –

जो रुट – १६३० धावा
सचिन तेंडुलकर -१६२५ धावा
अॅलिस्टर कुक – १६११ धावा
शिवनारायण चंद्रपॉल – १५८० धावा

हेही वाचा – सरावाचा पहिला दिवस वाया,पावसाचा व्यत्यय; गुलाबी चेंडूशी जुळवून घेण्यास केवळ ५०५० षटकेच

इंग्लंडने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना केन विल्यमसनच्या ९३ धावांच्या जोरावर किवी संघाचा डाव ३४८ धावांवर संपुष्टात आला. प्रत्युत्तरात इंग्लंडने पहिल्या डावात ४९९ धावा केल्या आणि १५१ धावांची आघाडी घेतली. हॅरी ब्रूकने १७१ धावांची जबरदस्त खेळी केली. दुसऱ्या डावात न्यूझीलंडची धावसंख्या कशीतरी २५४ धावांपर्यंत पोहोचली.

हेही वाचा – IND vs PAK : पाकिस्तानने युवा टीम इंडियाला केलं चीतपट, शाहजेब खानने साकारली शतकी खेळी

वेगाने धावा काढण्याचा प्रयत्नात दुसऱ्याच षटकात जॅक क्रॉऊली बाद झाला, पण त्यानंतर बेन डकेट आणि जेकब बेथलेने आक्रमक शॉट्स खेळले. यानंतर डकेट आठव्या षटकात २७ धावा काढून बाद झाला, त्याच षटकात नवा फलंदाज जो रूटने शेवटच्या तीन चेंडूंवर सलग तीन चौकार मारून आपले इरादे स्पष्ट केले. जेकब बेथलेने पहिले कसोटी अर्धशतक अवघ्या ३७ चेंडूत झळकावून इंग्लंडला १२.४ षटकांत १०४ धावांचे लक्ष्य गाठून दिले. जो रूट १५ चेंडूत २३ धावा करून नाबाद परतला.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Joe root breaks sachin tendulkar world record for most runs in a fourth innings in test cricket in nz vs eng 1st test vbm