Joe Root broke Rahul Dravid and Allen Border most test fifty record : इंग्लंड संघाने श्रीलंकेविरुद्धच्या तीन सामन्यांच्या कसोटी मालिकेची दमदार सुरुवात करत मँचेस्टरमध्ये पहिला सामना चौथ्या दिवशीच ५ गडी राखून जिंकला. या सामन्यात इंग्लंडसमोर चौथ्या डावात विजयासाठी २०५ धावांचे लक्ष्य होते, ज्यामध्ये एकवेळ ११९ धावा होईपर्यंत ४ विकेट्सल गमावल्या होत्या. इथून जो रूटने एका टोक सांभाळत आधी जेमी स्मिथसोबत महत्त्वाची भागीदारी केली. त्यानंतर ख्रिस वोक्ससह संघाला विजय मिळवून देत माघारी परतला. यावेळी त्याने अर्धशतकी खेळी साकारत राहुल द्रविड आणि ॲलन बॉर्डर यांना मागे टाकले. जो रुटने ॲलन बॉर्डर आणि राहुल द्रविड यांना मागे टाकले - श्रीलंकेविरुद्धच्या पहिल्या कसोटी सामन्याच्या पहिल्या डावात जो रूट ४२ धावांवर बाद झाला होता. यानंतर त्याने दुसऱ्या डावात महत्त्वपूर्ण ६२ धावांची खेळी साकारली. या खेळीच्या जोरावर जो रूट आता कसोटी क्रिकेटच्या इतिहासात सर्वाधिक अर्धशतके झळकावण्याच्या बाबतीत सचिन तेंडुलकरनंतर शिवनारायण चंद्रपॉलसोबत संयुक्तपणे दुसऱ्या क्रमांकावर पोहोचला आहे. रूटने अनुभवी खेळाडू ॲलन बॉर्डर आणि राहुल द्रविड यांना मागे टाकले आहे, ज्यांच्या नावावर कसोटी क्रिकेटमध्ये ६३-६३ अर्धशतकांची नोंद आहे. आता जो रूटच्या नावावर ६४ अर्धशतकांची नोंद झाली आहे. कसोटी क्रिकेटमध्ये सर्वाधिक अर्धशतकी खेळी करणारे फलंदाज - सचिन तेंडुलकर - ६८ शिवनारायण चंद्रपॉल - ६४ जो रूट - ६४ ॲलन बॉर्डर - ६३ राहुल द्रविड - ६३ रिकी पॉन्टिंग- ६२ हेही वाचा - PAK vs BAN : बाबर आझमच्या ‘या’ चुकीमुळे कर्णधार शान मसूद कोच जेसन गिलेस्पीवर भडकला, ड्रेसिंग रूममधील VIDEO व्हायरल कसोटीत सर्वाधिकवेळा 'फिफ्टी प्लस' धावा करण्याच्या बाबतीत पाचव्या स्थानावर पोहोचला - श्रीलंकेविरुद्ध मँचेस्टर कसोटी सामन्यात ६२ धावांची खेळी साकारल्यानंतर जो रूट आता कसोटी क्रिकेटमध्ये सर्वाधिक 'फिफ्टी प्लस' धावा करण्याच्या बाबतीत पाचव्या स्थानावर पोहोचला आहे. रुटची ही ९६ वी खेळी होती. जेव्हा त्याने 'फिफ्टी प्लस' धावा केल्या आहेत. या यादीत सचिन तेंडुलकरचे नाव पहिल्या स्थानावर आहे, ज्याने कसोटी क्रिकेटमध्ये ११९ वेळा फिफ्टी प्लस' धावा केल्या आहेत. याशिवाय इंग्लंडसाठी कसोटी क्रिकेटच्या चौथ्या डावात सर्वाधिक 'फिफ्टी प्लस' धावा करण्याच्या बाबतीत जो रूट संयुक्तपणे जेफ्री बॉयकॉटसह दुसऱ्या स्थानावर आहे, या दोघांच्याही नावावर १०-१० डावांची नोंद आहे.
