थाळीफेकपटू कमलप्रीत कौर, भारतातील सर्वोत्कृष्ट क्रीडापटूंपैकी एक आहे, तिच्यावर तीन वर्षांची बंदी घालण्यात आली आहे. अॅथलेटिक्स इंटिग्रिटी युनिटने त्याच्यावर उत्तेजक सेवनप्रकरणी (डोपिंग)प्रकरणी कारवाई केली आहे. ते २९ मार्च २०२२ पासून लागू होतील आणि मार्च २०२५ मध्ये संपतील. यावर्षी ७ मार्च रोजी एआययूने कमलप्रीतची पटियाला येथे तपासणी केली आणि त्यात स्टेरॉईड पॉझिटिव्ह आढळले. यानंतर या वर्षी मे महिन्यात त्यांना तात्पुरते निलंबित करण्यात आले होते.
कमलप्रीतच्या नमुन्यात स्टॅनोझोलॉल आढळून आले. हे एक सामान्य अॅनाबॉलिक स्टिरॉइड आहे आणि जागतिक अॅथलेटिक्सनुसार ते प्रतिबंधित पदार्थांच्या यादीमध्ये समाविष्ट आहे. एआययूने एका निवेदनात म्हटले आहे, “कौरला २९ मार्चला एआययूद्वारे तातपुरते निलंबित केले होते. कौरच्या चाचणीत आढळून आले की तिने फेब्रुवारी महिन्यात दोन प्रोटीन सप्लीमेंटचे दोन चमचे घेतले होते. यामध्ये स्टॅनोजोलोलचे अंश सापडला आहे. नमुना ए आणि नमुना बी यांची तपासणी करण्यात आली.”
कमालप्रीतने टोकियो गेम्समध्ये चमकदार कामगिरी करत सहावे स्थान पटकावले. त्याने गेल्या वर्षी टोकियो खेळापूर्वी थाळीफेकध्ये ६५.०६ मीटरचा राष्ट्रीय विक्रम केला होता. पात्रता फेरीत दुसऱ्या स्थानावर राहिल्यानंतर टोकियो खेळामध्ये तिने अंतिम फेरी गाठली होती जिथे तिने ६३.७० मीटरच्या सर्वोत्तम प्रयत्नासह सातवे स्थान पटकावले होते. अॅथलेटिक्सच्या मैदानी स्पर्धांमध्ये भारतीय खेळाडूची ही तिसरी सर्वोत्तम कामगिरी ठरली.
२६ वर्षीय कमलप्रीतने एका खासगी प्रयोगशाळेत चार सप्लिमेंट्सची चाचणी केली होती आणि एका प्रोटीन सप्लिमेंटमध्ये स्टिरॉइडचे नमुने आढळले होते. त्याला नवी दिल्लीतील राष्ट्रीय उत्तेजक सेवन चाचणी प्रयोगशाळेत स्टॅनोझोलॉल असलेल्या प्रोटीन सप्लिमेंटची चाचणी करण्यास मान्यता देण्यात आली. यानंतर कमलप्रीतला बोलावण्यात आले आणि सांगितले की ती सुमारे १० ते १५ फेब्रुवारी २०२२ या प्रशिक्षणाच्या दिवसांमध्ये आठवड्यातून पाच दिवस प्रोटीन सप्लिमेंट घेत होती आणि डोप चाचणीपूर्वी दोन दिवस तिने असेच केले. मात्र, तिला हे सप्लिमेंट्स कुठून मिळाले हे सांगता आले नाही.
हेही वाचा : ‘कसला दबाव? मला समजत नाही…’, बाबर आझमच्या वक्तव्यावर शाहिद आफ्रिदीचे मोठे विधान
त्यानंतर एआययूने त्यांना ७ सप्टेंबर रोजी नोटीस बजावली. एआययूकडून नोटीस मिळाल्यानंतर २० दिवसांच्या आत कमलप्रीतने उल्लंघन तसेच प्रस्तावित शिक्षा स्वीकारली आणि त्याच्यावरील बंदी चार वर्षांवरून तीन वर्षांपर्यंत कमी करण्यात आली.
