Kamalpreet Kaur: उत्तेजक सेवनप्रकरणी भारताची थाळीफेकपटू कमलप्रीत कौरवर तीन वर्षांची बंदी

कमलप्रीतच्या नमुन्यात स्टॅनोझोलॉल आढळून आले. हे एक सामान्य अॅनाबॉलिक स्टिरॉइड आहे आणि जागतिक अॅथलेटिक्सनुसार ते प्रतिबंधित पदार्थांच्या यादीमध्ये समाविष्ट आहे. एआययूने एका निवेदनात म्हटले आहे, “कौरला २९ मार्चला एआययूद्वारे तातपुरते निलंबित केले होते. कौरच्या चाचणीत आढळून आले की तिने फेब्रुवारी महिन्यात दोन प्रोटीन सप्लीमेंटचे दोन चमचे घेतले होते. यामध्ये स्टॅनोजोलोलचे अंश सापडला आहे. नमुना ए आणि नमुना बी यांची तपासणी करण्यात आली.”

कमालप्रीतने टोकियो गेम्समध्ये चमकदार कामगिरी करत सहावे स्थान पटकावले. त्याने गेल्या वर्षी टोकियो खेळापूर्वी थाळीफेकध्ये ६५.०६ मीटरचा राष्ट्रीय विक्रम केला होता. पात्रता फेरीत दुसऱ्या स्थानावर राहिल्यानंतर टोकियो खेळामध्ये तिने अंतिम फेरी गाठली होती जिथे तिने ६३.७० मीटरच्या सर्वोत्तम प्रयत्नासह सातवे स्थान पटकावले होते. अॅथलेटिक्सच्या मैदानी स्पर्धांमध्ये भारतीय खेळाडूची ही तिसरी सर्वोत्तम कामगिरी ठरली.

हेही वाचा :  ICC T20 World Cup: ७ हंगाम आणि विश्वचषकातील ६ चॅम्पियन्सची कहाणी… यावेळी कोण असेल नवीन विजेता? जाणून घ्या 

२६ वर्षीय कमलप्रीतने एका खासगी प्रयोगशाळेत चार सप्लिमेंट्सची चाचणी केली होती आणि एका प्रोटीन सप्लिमेंटमध्ये स्टिरॉइडचे नमुने आढळले होते. त्याला नवी दिल्लीतील राष्ट्रीय उत्तेजक सेवन चाचणी प्रयोगशाळेत स्टॅनोझोलॉल असलेल्या प्रोटीन सप्लिमेंटची चाचणी करण्यास मान्यता देण्यात आली. यानंतर कमलप्रीतला बोलावण्यात आले आणि सांगितले की ती सुमारे १० ते १५ फेब्रुवारी २०२२ या प्रशिक्षणाच्या दिवसांमध्ये आठवड्यातून पाच दिवस प्रोटीन सप्लिमेंट घेत होती आणि डोप चाचणीपूर्वी दोन दिवस तिने असेच केले. मात्र, तिला हे सप्लिमेंट्स कुठून मिळाले हे सांगता आले नाही.

हेही वाचा :  ‘कसला दबाव? मला समजत नाही…’, बाबर आझमच्या वक्तव्यावर शाहिद आफ्रिदीचे मोठे विधान 

त्यानंतर एआययूने त्यांना ७ सप्टेंबर रोजी नोटीस बजावली. एआययूकडून नोटीस मिळाल्यानंतर २० दिवसांच्या आत कमलप्रीतने उल्लंघन तसेच प्रस्तावित शिक्षा स्वीकारली आणि त्याच्यावरील बंदी चार वर्षांवरून तीन वर्षांपर्यंत कमी करण्यात आली.