Kamindu Mendis Record Break Century in SL vs NZ: श्रीलंकेच्या कामिंदू मेंडिसने कसोटी क्रिकेटमध्ये आपल्या कामगिरीने खळबळ उडवली आहे. कामिंदू मेंडिसने ८ कसोटी सामन्यांच्या १३ डावात ५ शतके आणि ४ अर्धशतके झळकावली आहेत. कसोटी क्रिकेटमध्ये त्याची बॅट चांगलीच तळपत आहे. कामिंदू मेंडिसने अर्धशतकाच्या जोरावर एक नवा वर्ल्ड रेकॉर्ड केला आहे आणि आता शतक झळकावत त्याने सर डॉन ब्रॅडमन याच्या विक्रमाशी बरोबरी केली आहे.
न्यूझीलंडविरुद्धच्या दुसऱ्या कसोटी सामन्याच्या पहिल्या डावातही कामिंदू मेंडिसने शतक झळकावले. त्याचे कसोटी क्रिकेट कारकिर्दीतील हे ५वे शतक होते. यापूर्वी, कामिंदूने न्यूझीलंडविरुद्धच्या पहिल्या कसोटी सामन्याच्या पहिल्या डावात ११४ धावांची शतकी खेळीही खेळली होती आणि दुसऱ्या सामन्यातही त्याने शतक झळकावले होते. दुसऱ्या कसोटीच्या पहिल्या डावात त्याने १४७ चेंडूंमध्ये शतक पूर्ण केले आणि जो रूटला मागे टाकून महान कसोटी फलंदाज डॉन ब्रॅडमन आणि जॉर्डन हॅडली यांची बरोबरी केली.
कमिंदू मेंडिसने कसोटी क्रिकेटमधील आपले ५वे शतक केवळ १३ डावात पूर्ण केले आणि डॉन ब्रॅडमनसह जॉर्ज हेडलीची बरोबरी केली. ब्रॅडमन यांनी १९३० साली १३ डावांत ५ शतके ठोकण्याचा पराक्रम केला होता, तर हेडलीने १९३१ मध्ये केवळ १३ डावांत हा पराक्रम केला होता. आता कामिंदू मेंडिसने २०२४ मध्ये या दोन्ही महान फलंदाजांची बरोबरी केली आणि १३ डावांमध्ये त्याच्या कसोटी कारकिर्दीतील ५वे शतक झळकावले.
कामिंदू मेंडिसने दुसऱ्या कसोटीत नाबाद १८२ धावा केल्या. यासह त्याने १३४ डावांमध्ये ५ शतके झळकावत एका मोठ्या विक्रमाची नोंद केली आहे. कसोटी क्रिकेटमध्ये सर्वात जलद ५ कसोटी शतके झळकावणारा तो आशियामधील पहिला फलंदाज ठरला आहे. आशियामध्ये सर्वात जलद ५ कसोटी शतकं करण्याच्या बाबतीत त्याने पाकिस्तानचा फलंदाज फवाद आलम याचा विक्रम मोडला आहे. याबरोबरच मेंडिसने कसोटी क्रिकेटमध्ये सर्वात जलद १००० धावा करण्याचा विक्रमही आपल्या नावे केला आहे.
सर्वात कमी डावात ५ कसोटी शतकं झळकावणारे फलंदाज
१० – एव्हर्टन वीक्स (१९४८)
१२ – हर्बर्ट सटक्लिफ (१९२५)
१२ – नील हार्वे (१९५०)
१३ – डॉन ब्रॅडमन (१९३०)
१३ – जॉर्ज हॅडली (१९३१)
१३ – कामिंदू मेंडिस (२०२४)
२०२४ मध्ये सर्वाधिक कसोटी शतके२०२४ मध्ये सर्वाधिक कसोटी शतके
जो रूट – ५
ऑली पोप – ३
शुभमन गिल- ३
केन विल्यमसन- ३
कामिंदू मेंडिसने जो रूटला टाकले मागे
२०२४ मध्ये कामिंदू कसोटी क्रिकेटमध्ये अप्रतिम कामगिरी करत आहे. त्याने या वर्षात आतापर्यंत १२ कसोटी डावांमध्ये ३६५ धावा केल्या असून यामध्ये ५ शतकांचा समावेश आहे. या वर्षी न्यूझीलंडविरुद्ध ५वे शतक झळकावल्यानंतर, त्याने जो रूटला मागे टाकले आहे. ज्याने २०२४ मध्ये आतापर्यंत २० डावांमध्ये ९८६ धावा केल्या आहेत आणि एकूण ४ शतके झळकावली आहेत. कामिंदूची यंदा कसोटीमध्ये सरासरी ८६.५ आहे. यानंतर ऑली पोप, शुबमन गिल आणि केन विल्यमसन यांनी २०२४ मध्ये कसोटीत प्रत्येकी सर्वाधिक ३ शतके झळकावली आहेत.
© IE Online Media Services (P) Ltd