Kapil Dev’s Statement on Injured Players: आशिया कप २०२३ स्पर्धेसाठी श्रेयस अय्यर आणि केएल राहुल भारतीय संघात परतले आहेत. त्यामुळे माजी कर्णधार कपिल देव यांनी जखमी खेळाडूंबद्दल महत्त्वाची प्रतिक्रिया दिली आहे. राहुल आणि अय्यर आपापल्या दुखापतीमुळे बराच काळ संघाबाहेर होते. श्रेयस अय्यर पूर्णपणे तंदुरुस्त होऊन संघात परतला असला, तरी केएल राहुलला अजूनही किरकोळ दुखापत आहे, ती आशिया चषकाच्या दुसऱ्या सामन्यापूर्वी ठीक होण्याची शक्यता आहे.
आता कपिल देव यांनी जखमी खेळाडूंबाबत टीम इंडियाला इशारा दिला आहे. ते म्हणाले की, खेळाडूंची अगोदरच चाचणी घ्यावी, अन्यथा संपूर्ण संघाला अडचणींना सामोरे जावे लागू शकते. ‘एनडीटीव्ही’च्या वृत्तानुसार, कपिल देव म्हणाले, “प्रत्येक खेळाडूची चाचणी झाली पाहिजे. विश्वचषक अगदी जवळ आला आहे, पण तरीही तुम्ही खेळाडूंना संधी दिली नाही. ते वर्ल्डकपसाठी गेला आणि जखमी झाला तर? संपूर्ण संघाला याचा त्रास सहन करावा लागेल.”
…तर संघाबाहेर राहिलेल्या खेळाडूंसोबत योग्य होणार नाही –
माजी कर्णधार पुढे म्हणाले, “किमान इथे त्यांना फलंदाजी किंवा गोलंदाजीची संधी मिळेल आणि त्याला थोडी लय प्राप्त करता येईल. सगळ्यात वाईट म्हणजे वर्ल्डकपदरम्यान त्यांना पुन्हा दुखापत झाली, तर संघाबाहेर राहिलेल्या खेळाडूंसोबत योग्य होणार नाही. पुनरागमन केलेल्या सर्व जखमी खेळाडूंना संधी द्यायला हवी. जर ते तंदुरुस्त असतील, तर ते विश्वचषक खेळू शकतात.”
हेही वाचा – झलक.. बुद्धिबळातील भारतीय झपाटय़ाची!
माजी कर्णधार म्हणाला की, आशिया कप ही संघाला विश्वचषकासाठी तयार करण्याची चांगली संधी आहे. कपिल देव म्हणाले, “प्रतिभेची कमतरता नाही, पण तो तंदुरुस्त नसेल तर भारताला आता विश्वचषकात बदल करण्याची संधी मिळेल. तुम्हाला विश्वचषक स्पर्धेसाठी संघ तयार करण्याची चांगली संधी आहे आणि आशिया कप हे एक चांगले व्यासपीठ आहे.
आशिया कप ही संघाला विश्वचषकासाठी तयारी करण्याची चांगली संधी –
भारताचा माजी कर्णधार म्हणाले की, आशिया कप ही संघाला विश्वचषकासाठी तयारी करण्याची चांगली संधी आहे. कपिल देव म्हणाले, “प्रतिभेची कमतरता नाही, पण ते तंदुरुस्त नसतील, तर भारताला आता विश्वचषकासाठी संघात बदल करण्याची संधी असेल. तुमच्याकडे विश्वचषक स्पर्धेसाठी संघ तयार करण्याची चांगली संधी आहे आणि त्यासाठी आशिया कप हे एक चांगले व्यासपीठ आहे.”
हेही वाचा – IBSA World Games: भारतीय महिला अंध क्रिकेट संघाने रचला इतिहास, ऑस्ट्रेलियाला हरवून सुवर्णपदकावर कोरले नाव
कपिल देव पुढे म्हणाले, “या खेळाडूंनी जावे आणि स्वत:ला व्यक्त करावे, अशी माझी इच्छा आहे. पण जर कोणत्याही प्रकारची शंका असेल, तर त्यांना आजूबाजूला राहण्याची गरज नाही. जर तुम्ही त्यांना संधी दिली नाही, तर ते खेळाडूंसोबतच निवडकर्त्यांसाठीही योग्य होणार नाही. मला माहित आहे की, विश्वचषक भारतात खेळवला जाईल, परंतु तुम्ही सर्वोत्तम आणि तंदुरुस्त संघ निवडला पाहिजे.”
