भारताची कीर्तना पांडियन युवा स्नूकरची जगज्जेती

कीर्तनाने विजेतेपद पटकावताना बेलारूसच्या अलबिना लेसचुक हिचा ३-१ असा पराभव केला. या स्पर्धेसाठी चौथे मानांकन मिळालेल्या कीर्तनाने प्राथमिक फेऱ्यांमध्ये रशियाच्या अलीना खाएरूलीना आणि मनस्विनी शेखर यांना ३-० असे पराभूत करून उपांत्य फेरी गाठली होती. उपांत्य सामन्यात कीर्तनाने भारताच्याच अनुपमा रामचंद्रनला ३-१ असे पराभूत करीत अंतिम फेरी गाठली होती. अंतिम सामन्यातही कीर्तनाने पहिला गेम गमावल्यानंतर सलग तीन गेम जिंकत अंतिम विजेतेपदावर मोहर उमटवली.