IND vs SA 1st T20 Highlights : दक्षिण आफ्रिकेने फिरवले भारताच्या स्वप्नांवर पाणी, रोमहर्षक सामन्यात मिळवला विजय

हर्षल पटेलने टाकलेले १७वे षटक काहीसे महागडे ठरले. आफ्रिकेने या षटकात २२ धावा लुटल्या.

दक्षिण आफ्रिकेचा धडाकेबाज फलंदाज डेव्हिड मिलरने आपले पाचवे अर्धशतक पूर्ण केले आहे. चौफेर फटकेबाजीसाठी ओळखला जाणारा मिलर आयपीएलमध्ये हार्दिक पंड्याच्या गुजरात टायटन्स संघाकडून खेळला होता.

दक्षिण आफ्रिकेचा यष्टीरक्ष क्विंटन डी कॉक २२ धावा करून माघारी परतला आहे. १० षटकांनंतर आफ्रिकेच्या संघाने ३ बाद ८६ धावांपर्यंत मजल मारली आहे.

पहिल्या पाच षटकांनंतर दक्षिण आफ्रिकेने एक बाद ६० धावांपर्यंत मजल मारली आहे. यष्टीरक्षक क्विंटन डी कॉक आणि ड्वेन प्रिटोरिअस मैदानावर उपस्थित आहेत.

दिल्ली येथे सुरू असलेल्या पहिल्या टी ट्वेंटी सामन्यात दक्षिण आफ्रिकेच्या डावाला सुरुवात झाली आहे. भारताने आफ्रिकेसमोर विजयासाठी २१२ धावांचे लक्ष्य ठेवले आहे.

श्रेयस अय्यर ३६ धावा करून बाद झाला. त्याच्या रुपात भारताचा तिसरा गडी बाद झाला आहे. अय्यर बाद झाल्यानंतर आता आयपीएल विजेता कर्णधार हार्दिक पंड्या मैदानावर दाखल झाला आहे.

सलामीवीर ऋतुराज गायकवाडला वेन पार्नेलने माघारी पाठवले आहेत. गायकवाडने १५ चेंडूंमध्ये २३ धावा केल्या.

पहिल्यांदाच एकत्र सलामीला आलेल्या ईशान किशन आणि ऋतुराज गायकवाड यांनी भारताला चांगली सुरुवात मिळवून दिली आहे. दोघांनी चौफेर फटकेबाजी सुरू केली आहे.

भारतीय संघ : ऋतुराज गायकवाड, ईशान किशन, श्रेयस अय्यर, ऋषभ पंत (कर्णधार यष्टीरक्षक), हार्दिक पंड्या, दिनेश कार्तिक, अक्षर पटेल, भुवनेश्वर कुमार, हर्षल पटेल, आवेश खान, युझवेंद्र चहल.

आफ्रिकन संघ : टेम्बा बावुमा (कर्णधार), क्विंटन डी कॉक(यष्टीरक्षक), रीझा हेंड्रिक्स, केशव महाराज, ट्रिस्टन स्टब्स, डेव्हिड मिलर, एनरिक नॉर्टजे, ड्वेन प्रिटोरियस, कागिसो रबाडा, तबरेझ शम्सी, वेन पार्नेल.