IND vs SA 1st T20 Highlights : दक्षिण आफ्रिकेने फिरवले भारताच्या स्वप्नांवर पाणी, रोमहर्षक सामन्यात मिळवला विजय

दक्षिण आफ्रिकन संघाने धावफलकावर २०० धावा लावल्या आहेत. विजयासाठी १२ चेंडूंमध्ये १२ धावांची आवश्यकता.

हर्षल पटेलने टाकलेले १७वे षटक काहीसे महागडे ठरले. आफ्रिकेने या षटकात २२ धावा लुटल्या.

ड्युसेनने ३७ चेंडूंमध्ये ५२ धावा केल्या. टी ट्वेंटी आंतरराष्ट्रीय सामन्यांतील त्याचे हे सातवे अर्धशतक आहे.

दक्षिण आफ्रिकेचा धडाकेबाज फलंदाज डेव्हिड मिलरने आपले पाचवे अर्धशतक पूर्ण केले आहे. चौफेर फटकेबाजीसाठी ओळखला जाणारा मिलर आयपीएलमध्ये हार्दिक पंड्याच्या गुजरात टायटन्स संघाकडून खेळला होता.

भारताने दिलेल्या २१२ धावांच्या आव्हानाचा पाठलाग करत असताना आफ्रिकन संघाने शतक धावफलकावर लावले आहे. ११ षटकांनंतर दक्षिण आफ्रिका तीन बाद १०६, अशा स्थितीत.

दक्षिण आफ्रिकेचा यष्टीरक्ष क्विंटन डी कॉक २२ धावा करून माघारी परतला आहे. १० षटकांनंतर आफ्रिकेच्या संघाने ३ बाद ८६ धावांपर्यंत मजल मारली आहे.

हर्षल पटेलने ड्वेन प्रिटोरिअसला आपल्या पहिल्याच षटकात त्रिफळाचित केले. प्रिटोरिअसने २९ धावा केल्या.

पहिल्या पाच षटकांनंतर दक्षिण आफ्रिकेने एक बाद ६० धावांपर्यंत मजल मारली आहे. यष्टीरक्षक क्विंटन डी कॉक आणि ड्वेन प्रिटोरिअस मैदानावर उपस्थित आहेत.

दक्षिण आफ्रिका संघाचा पहिला गडी बाद झाला आहे. कर्णधार टेम्बा बावुमा १० धावा करून बाद झाला आहे. भुवनेश्वर कुमारच्या चेंडूवर यष्टीरक्षक ऋषभ पंतने त्याचा झेल घेतला.

दिल्ली येथे सुरू असलेल्या पहिल्या टी ट्वेंटी सामन्यात दक्षिण आफ्रिकेच्या डावाला सुरुवात झाली आहे. भारताने आफ्रिकेसमोर विजयासाठी २१२ धावांचे लक्ष्य ठेवले आहे.

भारतीय संघाचा धावफलक २०० पार गेला आहे. कर्णधार ऋषभ पंत आणि उपकर्णधार हार्दिक पंड्या धावफलक हालता ठेवत आहेत.

श्रेयस अय्यर ३६ धावा करून बाद झाला. त्याच्या रुपात भारताचा तिसरा गडी बाद झाला आहे. अय्यर बाद झाल्यानंतर आता आयपीएल विजेता कर्णधार हार्दिक पंड्या मैदानावर दाखल झाला आहे.

सलामीवर ईशान किशनच्या धडाकेबाज अर्धशतकाच्या बळावर पहिल्या टी ट्वेंटी सामन्यात भारतीय संघाने १५ षटकांनंतर दोन बाद १५० धावांपर्यंत मजल मारली आहे. श्रेयस अय्यर आणि कर्णधार ऋषभ पंत खेळपट्टीवर उपस्थित आहेत.

भारताचा स्फोटक सलामीवीर ईशान किशन ७६ धावांची वादळी खेळू करून बाद झाला. त्यापूर्वी, त्याने गोलंदाज केशव महाराजला सलग दोन षटकार आणि दोन चौकार लगावले होते.

भारतीय डावाची सुरुवात करणाऱ्या ईशान किशनने आपले अर्धशतक पूर्ण केले आहे. त्याने ३७ चेंडूंमध्ये ५२ धावा केल्या. आंतरराष्ट्रीय टी ट्वेंटी क्रिकेटमध्ये हे ईशानचे तीसरे अर्धशतक ठरले. दरम्यान, भारतीय संघाने दहा षटकांमध्येच धावफलक शंभरीपार नेला आहे.

सलामीवीर ऋतुराज गायकवाडला वेन पार्नेलने माघारी पाठवले आहेत. गायकवाडने १५ चेंडूंमध्ये २३ धावा केल्या.

पावर प्लेमध्ये भारताने धावफलकावर आपले अर्धशतक लावले आहे.

पहिल्यांदाच एकत्र सलामीला आलेल्या ईशान किशन आणि ऋतुराज गायकवाड यांनी भारताला चांगली सुरुवात मिळवून दिली आहे. दोघांनी चौफेर फटकेबाजी सुरू केली आहे.

नाणेफेक गमावल्यानंतर भारतीय संघाला प्रथम फलंदाजी करावी लागणार आहे. सलामीवीर ईशान किशान आणि ऋतुराज गायकवाड डावाची सुरुवात करण्यासाठी मैदानात आले आहेत.

भारतीय संघ : ऋतुराज गायकवाड, ईशान किशन, श्रेयस अय्यर, ऋषभ पंत (कर्णधार यष्टीरक्षक), हार्दिक पंड्या, दिनेश कार्तिक, अक्षर पटेल, भुवनेश्वर कुमार, हर्षल पटेल, आवेश खान, युझवेंद्र चहल.

आफ्रिकन संघ : टेम्बा बावुमा (कर्णधार), क्विंटन डी कॉक(यष्टीरक्षक), रीझा हेंड्रिक्स, केशव महाराज, ट्रिस्टन स्टब्स, डेव्हिड मिलर, एनरिक नॉर्टजे, ड्वेन प्रिटोरियस, कागिसो रबाडा, तबरेझ शम्सी, वेन पार्नेल.

दक्षिण आफ्रिकेचा कर्णधार टेम्बा बावुमाने नाणेफेक जिंकून प्रथम गोलंदाजी करण्याचा निर्णय घेतला आहेत. त्यामुळे भारताला अगोदर फलंदाजी करावी लागणार आहे.