IND vs AUS : मालिका विजयानंतर टीम इंडियात Vacancy, विराट म्हणतो संघात अजून 3 गोलंदाज हवेत

“संघातल्या या प्रमुख गोलंदाजांवरचा भार कमी करणं गरजेचं आहे. आगामी काळात आमच्यासमोरचं हे प्रमुख उद्दीष्ट असणार आहे. प्रमुख गोलंदाजांना विश्रांती देताना त्यांच्या तोडीचे 3 गोलंदाज शोधणंही तितकच महत्वाचं आहे. आम्ही या 3 पर्यायी गोलंदाजांना शोधण्याच्या प्रक्रियेमध्ये आहोत. गरजेनुसार त्यांना संघासोबत घेऊन कसोटी क्रिकेटचं महत्व पटवून देण्याचा आमचा कल असेल. आंतरराष्ट्रीय स्तरावर कोणत्या टप्प्यात चेंडू टाकणं गरजेचं आहे, गोलंदाज म्हणून त्यांनी काय विचार करणं गरजेचं आहे या सर्व गोष्टी आम्हाला शिकवाव्या लागणार आहेत.” सामना संपल्यानंतर विराट कोहली बोलत होता.

अवश्य वाचा – Video : ऐतिहासीक विजयानंतर टीम इंडिया बेभान, सिडनीच्या मैदानावर केला डान्स

ऑस्ट्रेलिया मालिकेत प्रत्येक गोलंदाजाने सर्वोत्तम कामगिरी केली आहे. त्यामुळे प्रत्येकाला विश्रांतीची गरज आहे. महत्वाच्या गोलंदाजांना आता पर्याय शोधणं गरजेचं असल्याचंही विराट म्हणाला. भारताच्या या मालिकाविजयामुळे नवोदीत खेळाडूंचा कसोटी क्रिकेटकडे पाहण्याचा दृष्टीकोनही बदलेल, अस मत विराटने व्यक्त केलं. कसोटी मालिकेत विजय मिळवल्यानंतर भारत ऑस्ट्रेलियाविरुद्ध 3 वन-डे सामन्यांची मालिका खेलणार आहे.

अवश्य वाचा – IND vs AUS : कांगारुंना गुडघे टेकवायला लावण्यात चेतेश्वर पुजारा यशस्वी – इयन चॅपल