IPL 2020 : कोलकात्याला फटका, जलदगती गोलंदाज हॅरी गुर्ने दुखापतीमुळे स्पर्धेला मुकणार

आयपीएलच्या तेराव्या हंगामासाठी सर्व संघ सज्ज झाले आहेत. १९ सप्टेंबर ते १० नोव्हेंबर या काळात ही स्पर्धा युएईत खेळवली जाणार आहे. भारतात करोना विषाणूमुळे निर्माण झालेली परिस्थिती पाहता बीसीसीआयने हा निर्णय घेतला आहे. सध्या सर्व संघ युएईत क्वारंटाइन झाले आहेत. परंतू कोलकाता नाईट रायडर्स संघासमोर स्पर्धेला सुरुवात होण्याआधी संकट निर्माण झालं आहे. युवा इंग्लिश गोलंदाज हॅरी गुर्ने आपल्या खांद्याला झालेल्या दुखापतीमुळे यंदाच्या हंगामात सहभागी होऊ शकणार नाहीये. IANS वृत्तसंस्थेने ही बातमी दिली आहे. आयपीएल प्रमाणेच हॅरी स्थानिक टी-२० स्पर्धेतही खेळणार नाहीये. पुढील महिन्यात हॅरीच्या खांद्यावर शस्त्रक्रिया होणार असल्याचं कळतंय.