Kraigg Brathwaite : क्रेग ब्रेथवेटने मोडला गॅरी सोबर्सचा ५२ वर्षांपूर्वीचा ऐतिहासिक विक्रम! ‘हा’ पराक्रम करणारा ठरला पहिलाच कॅरेबियन खेळाडू

आपल्या देशासाठी सलग सर्वाधिक कसोटी सामने खेळण्याच्या बाबतीत गॅरी सोबर्सला मागे टाकून ब्रेथवेट नंबर वन ठरला आहे. सध्याचा सामना हा ब्रेथवेटचा ८६ वा कसोटी सामना आहे. सोबर्स यांनी एप्रिल १९५५ ते एप्रिल १९७२ पर्यंत ८५ कसोटी सामने खेळले होते. डेसमंड हेन्स (७२), ब्रायन चार्ल्स लारा (६४), रोहन कन्हाई (६१), सर विव्ह रिचर्ड्स (६१) आणि कोर्टनी वॉल्श (५३) यांचाही या यादीत समावेश आहे.

वेस्ट इंडिजसाठी सर्वाधिक सलग कसोटी सामने खेळणारे क्रिकेटपटू :

क्रेग ब्रेथवेट – २०१४ ते २०२४ पर्यंत ८६ कसोटी
गॅरी सोबर्स – १९५५ ते १९७२ पर्यंत ८५ कसोटी
डेसमंड हेन्स – १९७९ ते १९८८ पर्यंत ७२ कसोटी
ब्रायन लारा – १९९२ ते १९९ पर्यंत ६४ कसोटी
रोहन कन्हाई – १९५७ ते १९६९ पर्यंत ६१ कसोटी
सर व्हिव्हियन रिचर्ड्स – १९८० ते १९८८ पर्यंत ६१ कसोटी
कोर्टनी वॉल्श – १९९० ते १९९७ पर्यंत ५३ कसोटी

हेही वाचा – IND vs PMXI : हर्षित राणाचा कहर! ऑस्ट्रेलियन पीएम इलेव्हनविरुद्ध अवघ्या ६ चेंडूत पटकावल्या ४ विकेट्स, पाहा VIDEO

या दिग्गजांच्या नावावर विश्वविक्रम –

कसोटी क्रिकेटमध्ये सलग सर्वाधिक सामने खेळण्याचा विश्वविक्रम इंग्लंडचा माजी कर्णधार ॲलिस्टर कुकच्या नावावर आहे. मे २००६ ते सप्टेंबर २०१८ या कालावधीत त्याने १५९ कसोटी सामने खेळले. या यादीत ॲलन बॉर्डर (१५३), मार्क वॉ (१५३), सुनील गावस्कर (१०६), ब्रेंडन मॅक्युलम (१०१) आणि नॅथन लायन (१००) ही नावे आहेत, ज्यांनी १०० किंवा त्याहून अधिक सलग कसोटी सामने खेळले आहेत.

हेही वाचा – Jay Shah : जय शाह यांनी स्वीकारली ICC च्या चेअरमनपदाची जबाबदारी, चॅम्पियन्स ट्रॉफी पाकिस्तानमध्ये होणार?

u

केमार रोच पहिल्या दिवशी चमकला –

कसोटी सामन्याच्या पहिल्या दिवसाच्या खेळात केमार रोचने वेस्ट इंडिजसाठी चमकदार कामगिरी केली. ओल्या आउटफिल्डमुळे दिवसभरात केवळ ३० षटकांचाच खेळ होऊ शकला. बांगलादेशने दोन गड्यांच्या मोबदल्यात ६९ धावा केल्या. प्रथम फलंदाजी करताना बांगलादेशने सातव्या षटकात महमुदुल हसन जॉय आणि मोमिनुल हक शोभ्राच्या सुरुवातीच्या विकेट्स गमावल्या, तेव्हा संघाची धावसंख्या केवळ १० धावा होती. या दोन्ही विकेट्स केमार रोचने घेतल्या. मात्र, त्यानंतर शादमान इस्लामने १०० चेंडूत ५० धावा करत बांगलादेशची धुरा सांभाळली. त्याने शहादत हुसेन दिपूसोबत ५९ धावांची नाबाद भागीदारीही केली.