KS Bharat dedicated his century to Lord Sri Rama : भारत आणि इंग्लंड यांच्यात २५ जानेवारीपासून पाच सामन्यांची कसोटी मालिका खेळवली जाणार आहे. त्याआधी अहमदाबादच्या नरेंद्र मोदी स्टेडियमवर भारत अ आणि इंग्लंड लायन्स यांच्यात सामना खेळवला जात आहे. या सामन्यात टीम इंडियाचा यष्टीरक्षक फलंदाज केएस भरतने शानदार शतक झळकावले आहे. शतक झळकावल्यानंतर केएस भरतने अशा प्रकारे सेलिब्रेशन केले की, ते आता सोशल मीडियावर व्हायरल होत आहे.

शतक प्रभू रामाला केले समर्पित –

केएस भरतने इंग्लंड लायन्सविरुद्ध शानदार फलंदाजी करत नरेंद्र मोदी स्टेडियमवर शतक झळकावले. शतक झळकावल्यानंतर केएस भरतने मैदानाच्या मध्यभागी अशा प्रकारे सेलिब्रेशन केले की, त्याचा व्हिडीओ सोशल मीडियावर व्हायरल होत असून चाहत्यांना आवडत आहे. खरं तर, शतक झळकावल्यानंतर केएस भरतने ‘धनुष्यातून बाण सोडत असल्याचा’ हावभाव केले.

आणखी वाचा
Savlyachi Janu Savli
Video : “तारा आणि भैरवीचे सत्य…”, जगन्नाथचा प्लॅन यशस्वी होणार? ‘सावळ्याची जणू सावली’ मालिकेत ट्विस्ट
Manoj Jarange Patil on Kalicharan
‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…
Suryakumar Yadav Speech in dressing room video
Suryakumar Yadav : ‘आता सगळ्यांनी मायदेशात जाऊन…’, दक्षिण आफ्रिकेविरुद्धची मालिका जिंकल्यानंतर सूर्याने संघाला दिला महत्त्वाचा सल्ला
Suryakumar Yadav won the hearts of fans video viral
Suryakumar Yadav : याला म्हणतात देशभक्ती… देशाचा अपमान होताना पाहून सूर्यकुमार यादवने केलं असं काही की, तुम्हीही कराल सलाम, पाहा VIDEO
Tilak Varma Statement on Maiden T20I Century Flying Kiss Celebration He Said It is For Suryakumar Yadav Gives credit to him IND vs SA
IND vs SA: तिलक वर्माने शतकानंतर कोणाला फ्लाईंग किस दिला? सामन्यानंतर स्वत:च सांगितलं…
nitish kumar bows down to touch feet of pm modi
VIDEO: भरसभेत नितीश कुमार पाया पडायला गेले अन् नरेंद्र मोदींनी…; नेमकं काय घडलं?
vicky kaushal in parshuram role
‘छावा’नंतर भगवान परशुरामाची भूमिका साकारणार विकी कौशल; सिनेमाचे पहिले पोस्टर आणि जबरदस्त लूक आला समोर
udayanraje bhosale attack rahul gandhi while talking to media
सातारा: राहुल गांधी यांच्याकडून शिवाजी महाराजांची बदनामी; उदयनराजे यांचा हल्लाबोल

केएस भरत यांनी आपले शतक प्रभू रामाला समर्पित केले आहे. वास्तविक, २२ जानेवारीला अयोध्येत भगवान राम मंदिराच्या प्राणप्रतिष्ठेचा कार्यक्रम आहे. या काळात संपूर्ण देश प्रभू श्रीरामाच्या भक्तीत तल्लीन झाला आहे. केएस भरतनेही हा व्हिडीओ इन्स्टाग्रामवर शेअर केला आहे. व्हिडीओच्या कॅप्शनमध्ये केएस भरत यांनी लिहिले की, ‘लक्षात ठेवण्यासारखे आहे, हॅशटॅग जय श्री राम.’

हेही वाचा – IND vs ENG : इंग्लंड संघाला मोठा धक्का, ‘हा’ स्टार खेळाडू भारताविरुद्धच्या कसोटी मालिकेतून झाला बाहेर

पहिल्या दोन कसोटीसाठी भारतीय संघात निवड –

२५ जानेवारीपासून सुरु होणाऱ्या कसोटी मालिकेसाठी विकेटकीपर फलंदाज केएस भरतचा टीम इंडियात समावेश करण्यात आला आहे. केएस भरत कसोटी मालिकेपूर्वी जबरदस्त फॉर्ममध्ये दिसत आहे. त्याचा उत्कृष्ट फॉर्म पाहता आता कर्णधार रोहित शर्मा त्याला प्लेइंग इलेव्हनमध्ये संधी देऊ शकतो असे दिसते. केएस भरतने टीम इंडियासाठी आतापर्यंत फक्त पाच कसोटी सामने खेळले आहेत, ज्यात त्याने १२९ धावा केल्या आहेत. केएस भरत व्यतिरिक्त आणखी दोन यष्टीरक्षक फलंदाज केएल राहुल आणि ध्रुव जुरेल यांचाही टीम इंडियात समावेश करण्यात आला आहे.

हेही वाचा – Team India : ‘त्याच्याकडे सातत्याने दुर्लक्ष केले जात आहे’, युजवेंद्र चहलच्या भारतीय संघातील स्थानाबद्दल हरभजन सिंगची प्रतिक्रिया

पहिल्या दोन कसोटींसाठी भारतीय संघ: रोहित शर्मा (कर्णधार), जसप्रीत बुमराह (उपकर्णधार), शुबमन गिल, यशस्वी जैस्वाल, विराट कोहली, श्रेयस अय्यर, केएल राहुल (यष्टीरक्षक), केएस भरत (यष्टीरक्षक), ध्रुव जुरेल (यष्टीरक्षक), रविचंद्रन अश्विन, रवींद्र जडेजा, अक्षर पटेल, कुलदीप यादव, मोहम्मद सिराज, मुकेश कुमार आणि आवेश खान.