मला मूर्ख समजतोस का? जेव्हा कॅप्टन कूल धोनी कुलदीप यादववर भडकतो

डिसेंबर २०१७ रोजी भारत विरुद्ध श्रीलंका यांच्यात इंदूरयेथे दुसरा टी-२० सामना खेळवण्यात येत होता. या सामन्यादरम्यान धोनी आपल्या सवयीप्रमाणे यष्टींमागून कुलदीपला नेमका चेंडू कसा टाकायचा याच्या सुचना देत होता. एका क्षणाला कुलदीपने धोनीने दिलेली सुचना न ऐकता आपलं म्हणणं मांडण्याचा प्रयत्न केला. यावेळी काहीसा रागावलेल्या धोनीने कुलदीपला चांगलचं सुनावलं. “मला मूर्ख समजलास का?? मी ३०० वन-डे सामने खेळल्यानंतर इथे पोहचलोय.”

आश्चर्याची गोष्ट म्हणजे धोनीने दिलेल्या सल्ल्यानूसार गोलंदाजी केल्यानंतर कुलदीपला लगेच विकेट मिळाली. या सामन्यात कुलदीपने ४ षटकात ५२ धावा देत ३ बळी घेतले. रोहित शर्माने ३५ धावांत केलेल्या शतकाच्या जोरावर भारताने हा सामना ८८ धावांनी जिंकला होता. कुलदीप सोबत युझवेंद्र चहलही या कार्यक्रमात सहभागी झाला होता.