भारताच्या लिएंडर पेस याने राडेक स्टॅपनेक याच्या साथीत माईक व बॉब ब्रायन या बंधूंचा ६-४, ६-७ (६-८), १०-७ असा पराभव करीत एटीपी जागतिक टेनिस स्पर्धेत सनसनाटी विजय नोंदविला.
साखळी गटातील या सामन्यात विजय मिळविल्यामुळे अपराजित जोडी म्हणून पेस व स्टॅपनेक यांना अंतिम स्पर्धेत स्थान मिळाले आहे.
तीन वेळा जागतिक एटीपी स्पर्धा जिंकणाऱ्या ब्रायन बंधूंविरुद्ध पेस व स्टॅपनेक यांना विजयासाठी शेवटपर्यंत झुंजावे लागले. त्यांनी फोरहँडच्या ताकदवान फटक्यांबरोबरच नेटजवळून प्लेसिंगचा कल्पकतेने उपयोग केला आणि विजयश्री खेचून आणली. या विजयाने अंतिम फेरीत त्यांचे मनोबल कमालीचे उंचावलेले असेल.
