हॅमिल्टनला तिसऱ्यांदा विश्वविजेतेपद

यंदाच्या हंगामात शानदार फॉर्ममध्ये असणाऱ्या लुइस हॅमिल्टनने अमेरिकन ग्रां. प्री. शर्यतीमधील अव्वल स्थानासह विश्वविजेतेपदावर शिक्कामोर्तब केले. हॅमिल्टनचे कारकीर्दीतील हे तिसरे विश्वविजेतेपद प्राप्त केले आहे.असंख्य चढउतारांनी भरलेल्या, पावसामुळे निसरडय़ा झालेल्या ट्रॅकवर हॅमिल्टनने दुसऱ्या स्थानापासून शर्यतीला सुरुवात केली. संघसहकारी निको रोसबर्गला २.८५० सेकंदांनी मागे टाकत हॅमिल्टनने यंदाच्या हंगामातील दहावे जेतेपद नावावर केले. या जेतेपदासह हॅमिल्टनचे ३२७ गुण झाले आहेत. दुसऱ्या स्थानी असलेल्या रोसबर्ग आणि तृतीय स्थानी असलेल्या सेबॅस्टियन वेटेलला या दोघांना मागे टाकत हॅमिल्टनने दमदार आगेकूच करताना विश्वविजेतेपदावर नाव कोरले.