कानपूर कसोटीच्या चौथ्या दिवसाअखेरीस न्यूझीलंडला चार फलंदाजांच्या मोबदल्यात केवळ ९३ धावा करता आल्या आहेत. भारतीय संघाने न्यूझीलंडसमोर विजयासाठी ४३९ धावांचे आव्हान ठेवले आहे. या आव्हानाचा पाठलाग करताना किवींचे चार फलंदाज स्वस्तात बाद करण्यात भारतीय फिरकीपटूंना यश आल्याने सामन्यावर भारतीय संघाने चांगली पकड निर्माण केली आहे. त्यामुळे सामन्याच्या अखेरच्या दिवशी भारतीय संघाला विजयासाठी सहा विकेट्सची आवश्यकता आहे.
आर. अश्विनने न्यूझीलंडच्या तीन फलंदाजांना स्वस्तात माघारी धाडले, तर उमेश यादवने सीमा रेषेवरून दिलेल्या अचूक थ्रोवर रॉस टेलर धावचीत झाला. चौथ्या दिवसाचा खेळ संपला तेव्हा ल्यूक राँची ३८ धावांवर , तर मिचेल सँटनर ८ धावांवर खेळत होते. तत्पूर्वी, भारतीय संघाने आपला दुसरा डाव ५ बाद ३७७ धावांवर घोषित करून किवींसमोर ४३९ धावांचे आव्हान उभे केले. रोहित शर्मा आणि रविंद्र जडेजाच्या तुफानी खेळीने भारताला चौथ्या दिवशी चहापानापूर्वीच ३७५ चा पल्ला ओलांडता आला. चेतेश्वर पुजारा आणि मुरली विजय या दोघांनी अर्धशतकी खेळी करत दुस-या डावात भारताला दमदार सुरुवात केली होती. मात्र विराट कोहली १८ धावांवर माघारी परतल्याने भारताच्या गोटात चिंतेचे वातावरण पसरले. पण त्यानंतर अजिंक्य रहाणे संयमी ४० धावांची खेळी करत रोहित शर्माच्या साथीने भारताचा डाव पुढे नेला. अजिंक्य रहाणेने ८१ चेंडूत ४० धावा केले. यात चार चौकारांचा समावेश आहे. अजिंक्य रहाणे बाद झाल्यावर रोहित शर्मा आणि रविंद्र जडेजा या जोडीवर भारताची मदार होती. गेल्या काही सामन्यात सूर सापडत नसल्याने टीकेचे लक्ष्य ठरलेल्या रोहित शर्माला शेवटी आज सूर गवसला. रोहित शर्माने रविंद्र जडेजाच्या साथीने किवी गोलंदाजांची यथेच्छ धुलाई केली. या दोघांनीही चौकार आणि षटकारांची बरसात केली. रोहित शर्माने ९३ चेंडूत ६८ धावा केल्या. यामध्ये ८ चौकारांचा समावेश होता. तर रविंद्र जडेजाने ५८ चेंडूत ५० धावा केल्या. यात दोन चौकार आणि तीन षटकाराचा समावेश आहे. भारताने ५ विकेटच्या मोबदल्यात ३७७ धावा केल्या असताना विराट कोहलीने भारताचा डाव घोषित केला. न्यूझीलंडतर्फे सँटनर आणि इश सोधी या दोघांनी प्रभावी मारा केला. या दोघांनी प्रत्येक दोन गडींना बाद केले. तर मार्क क्रेगने एक विकेट घेतली.
न्यूझीलंडसमोर दुस-या डावात ४३९ धावांचे अशक्यप्राय लक्ष्य किवींसमोर असल्याने फिरकीला साथ देणारी खेळपट्टी आणि आर अश्विन, रविंद्र जडेजाची भंबेरी उडवणारी गोलंदाजी अशा परिस्थितीत न्यूझीलंडसाठी ही धावसंख्या आव्हानात्मकच ठरणार आहे.
India vs New Zealand : दिवसभरातील अपटेड्स –
Live Updates
भारतीय संघ विजयापासून सहा विकेट्स दूर
चौथ्या दिवसाचा खेळ संपला तेव्हा न्यूझीलंडची धावसंख्या ४ बाद ९३ धावा. (राँची- ३८ , सँटनर- ८)
अखेरच्या षटक देखील निर्धाव, आजच्या दिवसाचा खेळ संपला
पाचवा चेंडू देखील निर्धाव
चौथा चेंडू पॉईंटच्या दिशेने, पण धाव नाही
तिसरा चेंडू देखील राँचीने सोडला
जडेजाच्या पहिल्या दोन चेंडूवर एकही धाव नाही
आजच्या दिवसच्या अखेरच्या षटकाला सुरूवात, जडेजा करतोय गोलंदाजी
अश्विनच्या षटकात केवळ २ धाव, न्यूझीलंड ४ बाद ९३
जडेजाकडून आणखी एक निर्धाव षटक, न्यूझीलंड ४ बाद ९२
३४ व्या षटकात दोन धावा, न्यूझीलंड ४ बाद ९२ धावा
३२ षटकांच्या अखेरीस न्यूझीलंडची धावसंख्या ९०/४ (राँची- ३६, सँटनर- ७)
राँचीचा पॉईंटच्या दिशेने चौकार, न्यूझीलंड ४ बाद ९०
रवींद्र जडेजाकडून निर्धाव षटक, न्यूझीलंड ४ बाद ८५ धावा
चौथ्या दिवसाच्या अखेरच्या ७ षटकांचा खेळ शिल्लक
तीस षटकांच्या अखेरीस न्यूझीलंड ४ बाद ८५ धावा. विजयासाठी आणखी ३४९ धावांची गरज. (राँची- ३२ , सँटनर- ६ )
भारतीय गोलंदाजांकडून किवींच्या धावसंख्येला लगाम
मोहम्मद शमीकडून निर्धाव षटक
२६ षटकांच्या अखेरीस न्यूझीलंड ४ बाद ७५ धावा. (राँची- २५ , सँटनर- ५)
राँचीचा अश्विनला उत्तुंग षटकार, न्यूझीलंड ४ बाद ६८ धावा
न्यूझीलंड ४ बाद ५९ धावा
दोन धावा घेण्याच्या नादात रॉस टेलरने गमावली विकेट, उमेश यादवचा अचूक त्रिफळावेध
२२ व्या षटकात रॉस टेलर धावचीत बाद, भारतीय संघाला चौथे यश
अश्विनने घेतली विल्यमसनची (२५) विकेट
न्यूझीलंडला तिसरा धक्का, कर्णधार विल्यमसन बाद
सोळा षटकांच्या अखेरीस न्यूझीलंड २ बाद ३७ धावा.
क्षेत्ररक्षणादरम्यान चेतेश्वर पुजाराच्या पायाला चेंडू लागल्याने दुखापत
१५ षटकांच्या अखेरीस न्यूझीलंड २ बाद ३३ धावा
केन विल्यमसनच्या स्विपवर झेलची संधी, उमेश यादवला झेल टीपण्यात अपयश
रॉस टेलरचा बॅकवर्ड पॉईंटच्या दिशेने चौकार, न्यूझीलंड २२/२
या बातमीसह सर्व प्रीमियम कंटेंट वाचण्यासाठी साइन-इन करा
या बातमीसह सर्व प्रीमियम कंटेंट वाचण्यासाठी साइन-इन करा
Already have an account? Sign in
