लिव्हरपूलने विजयी घोडदौड कायम राखत क्रिस्टल पॅलेस संघाचा ३-१ असा पराभव करून इंग्लिश प्रीमिअर लीगच्या गुणतालिकेत अव्वल स्थान पटकावले. लिव्हरपूलकडून लुईस सुआरेझ (१३व्या मिनिटाला), डॅनियल स्टरिज (१७व्या मिनिटाला) आणि स्टीव्हन गेरार्ड (३८व्या मिनिटाला) यांनी गोल केले. क्रिस्टलकडून ड्वाईट गेलने (७६व्या मिनिटाला) एकमेव गोल केला. मँचेस्टर सिटीने एव्हरटनची विजयी परंपरा ३-१ अशी खंडित केली. मँचेस्टरकडून अल्वारो नेग्रेडो (१७व्या मिनिटाला), सर्जीओ अ‍ॅग्युरो (४५व्या मिनिटाला) यांनी गोल केले. टिम होवार्डने स्वत:च गोल करत सिटीचा तिसरा गोल झळकावला. एव्हरटनकडून रोमेलू लुकालू (१६व्या मिनिटाला) याने गोल केला. न्यूकॅसलने कार्डिफचे आव्हान २-१ असे पार केले.