ब्राझील आणि इटली या ‘अ’ गटातील दोन्ही बलाढय़ संघांनी साखळी फेरीतील दोन्ही सामने जिंकून उपांत्य फेरीत स्थान निश्चित केले आहे. मात्र उपांत्य फेरीत विश्वविजेत्या स्पेनविरुद्धची लढत टाळण्यासाठी आणि गटात अव्वल स्थान पटकावण्यासाठी ब्राझील आणि इटली या संघांमध्ये चुरस रंगणार आहे.
आतापर्यंत गटात एकही गोल स्वीकारावा न लागलेल्या ब्राझीलला गटात अव्वल स्थान पटकावण्यासाठी इटलीविरुद्ध पराभवाची नामुष्की टाळावी लागणार आहे. त्याउलट मेक्सिकोविरुद्ध २-१ आणि जपानविरुद्ध ४-३ असे निसटते विजय मिळवणाऱ्या इटलीला ब्राझीलचा पाडाव करण्यासाठी कामगिरी उंचवावी लागणार आहे. इटलीने ब्राझीलला हरवल्यास, २००२नंतर ब्राझीलला त्यांच्याच भूमीत पराभूत करणारा इटली हा पॅराग्वेनंतर दुसरा संघ ठरेल. ब्राझीलच्या डेव्हिड लुइझच्या नाकाला दुखापत झाल्याने तो नाकाला संरक्षक कवच घालून या सामन्यात खेळणार आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
