सचिन संघासोबत नसल्याची भावना वेदनादायी -रोहित

तो पुढे म्हणाला की, ‘‘सचिनकडून मला बरेच मार्गदर्शन मिळाले आणि त्याचा फायदाही झाला. २००८ सालची ऑस्ट्रेलियामधील व्ही. बी. मालिका असो किंवा २०१० मधील दक्षिण आफ्रिकेतील सामने असो. परदेशातील गोलंदाजीला पोषक खेळपट्टीवर तयारी कशी करायची, हे त्याच्याकडून शिकलो. तो नेहमीच आमच्या पाठीशी उभा राहिला आणि यापुढेही कायम राहील, हा विश्वास आहे.’’
सचिन तेंडुलकरला अखेरच्या सामन्यात शतक झळकावता आले नाही, याबाबत विचारल्यावर रोहित म्हणाला की, ‘‘अखेरच्या सामन्यात शतक व्हावे, ही त्याची, माझी, साऱ्यांचीच इच्छा होती, परंतु तो ७४ धावांवर बाद झाला आणि सर्वानाच  दु:ख झाले. पण शतक झाले नसले तरी गेल्या २४ वर्षांमधील त्याची देदीप्यमान कामगिरी आपल्याला विसरता येणार नाही.’’
पदार्पणाच्या मालिकेत मालिकावीर पुरस्कार पटकावल्यानंतर रोहित म्हणाला की, ‘‘या मालिकेत माझ्याकडून चांगली कामगिरी झाली असली तरी या खेळीमुळे संघाच्या विजयात योगदान देता आले, याचा आनंद जास्त आहे.’’