Manish Narwal Won Silver Paris Paralympics Games 2024: भारताच्या पॅरा अ‍ॅथलीट्सने एकामागून एक पदकांची रांग लावली आहे. भारताने पॅरिस पॅरालिम्पिकमध्ये दुसऱ्या दिवशी सलग चौथ पदक जिंकलं आहे. भारताचा नेमबाज मनीष नरवालने भारतासाठी चौथे पदक जिंकले आहे. १० मीटर एअर पिस्तूलच्या नेमबाजी स्पर्धेत रौप्यपदक पटकावले आहे.
मनिष नरवालने पुरुषांच्या P1 १० मीटर एअर पिस्तूल SH1 प्रकारात रौप्य पदक जिंकले. मनीष नरवाल यांनी टोकियो पॅरालिम्पिकमध्ये देशासाठी सुवर्णपदक जिंकले होते. पॅरालिम्पिकमध्ये त्यांचे दुसरे सुवर्णपदक २.५ गुणांच्या फरकाने हुकले. या स्पर्धेत दक्षिण कोरियाच्या जो जोंगडूने सुवर्णपदक जिंकले. चीनच्या यांग चाओने कांस्यपदक जिंकले.
मनीष नरवालने रौप्यपदक जिंकण्यापूर्वी दक्षिण कोरियाच्या जो जोंगडूला कडवी टक्कर दिली. २२ वर्षीय मनीष नरवाल बराच काळ आघाडीवर होता, परंतु खराब गुणांमुळे तो मागे पडला आणि दक्षिण कोरियाचा अनुभवी नेमबाज जो जोंगडूने आघाडी घेतली. भारतीय पिस्तुल नेमबाज शिवा नरवालचा मोठा भाऊ मनिष नरवाल याने २३४.९ तर जोंगडूने २३७.४ गुणांसह सुवर्णपदक जिंकले. चीनच्या यांग चाओने २१४.३ गुण मिळवत कांस्यपदक जिंकले.
हेही वाचा –
??? ????? ? ? ????? ?! Congratulations to Manish Narwal on winning India's fourth medal at the Paris Paralympics 2024.
— Sportwalk Media (@sportwalkmedia) August 30, 2024
? ?????? @sportwalkmedia ??? ????????? ???????? ?? ?????? ???????? ?? ??? ?????… pic.twitter.com/2ftT7xSOWS
पॅरिस पॅरालिम्पिकमध्ये भारताने आतापर्यंत ४ पदकं जिंकली आहेत. नेमबाजीमध्ये तीन पदकं (अवनी लेखरा (सुवर्णपदक), मनीष नरवाल आणि मोना अग्रवाल (कांस्यपदक) आणि एक पदक ट्रॅक इव्हेंटमध्ये पूजा पाल हिने पटकावले. ट्रॅक इव्हेंटमध्ये पूजा पालने पदक जिंकून इतिहास रचला. .
कोण आहे मनिष नरवाल (Who is Manish Narwal?)
मनीष नरवाल हा जन्मत:च उजव्या. हे त्याच्यासाठी हृदयद्रावक होते. पण, हळूहळू तो खेळाडू बनण्याच्या ध्येयात यशस्वी झाला. त्याने अलीकडेच सांगितले की, जेव्हा तो पहिल्या वर्गात सर्व मुलांसोबत बसला होता तेव्हा तो इतर मुलांपेक्षा वेगळा होता. त्याच्या उजव्या हातामध्ये समस्या होती. हे कळल्यावर तो खूप रडायचा. त्याला लोकांसमोर यायलाही भीती वाटत होती.
मनीष नरवाल जन्म १७ ऑक्टोबर २०२१ रोजी झाला. त्याच्या उजव्या हातात लहानपणापासूनच समस्या होती. कुटुंबीयांनी खूप प्रयत्न केले पण मनीषचा हात बरा करण्यात त्यांना यश आले नाही. मनीषला कळायला लागल्यापासून त्याचे पहिले प्रेम फुटबॉल होते. मनीष नरवालला फुटबॉल खेळाची आवड होती. त्याने फुटबॉलपटू बनण्याचे स्वप्न पाहिले परंतु शारीरिक विकृतीमुळे तो त्याचे करिअर म्हणून निवड करू शकला नाही. यानंतर आई-वडिलांच्या पाठिंब्याने जवळच्या मित्राच्या सूचनेनुसार त्याने नेमबाजीचे प्रशिक्षण घेण्यास सुरुवात केली. प्रशिक्षक राकेश ठाकूर यांनी त्याला बल्लभगडमध्येच नेमबाजीचे प्रशिक्षण दिले.
मनीष नरवालकने पॅरा नेमबाजी स्पर्धांमध्ये अनेक पदकांची कमाई केली आहे. त्याच्या कारकिर्दीतील सर्वात निर्णायक क्षण २०२१ पॅरा नेमबाजी वर्ल्ड चॅम्पियनशिपमध्ये आला, जेव्हा त्याने P4 मिश्रित ५० मीटर पिस्तूल SH1 स्पर्धेत २२९.१ च्या जागतिक विक्रमासह सुवर्णपदक जिंकले. त्याने सर्बियाच्या रास्तको जोकिकचा २२८.६ गुणांचा जागतिक विक्रम मोडला.
