राष्ट्रकुल क्रीडा स्पर्धा : भारतीय महिला संघापुढे ऑस्ट्रेलियाचे आव्हान

भारतीय महिला संघाची सध्याची लय पाहता ऑस्ट्रेलियाविरुद्ध विजय मिळवण्याची संधी आहे. भारताने श्रीलंकेविरुद्ध एकदिवसीय आणि ट्वेन्टी-२० मालिकेत चमकदार कामगिरी केली होती. अनुभवी खेळाडूंच्या अनुपस्थितीत हरमनप्रीतने सक्षमपणे भारताचे नेतृत्व केले आहे. भारताला या स्पर्धेत सुवर्णपदक मिळवायचे झाल्यास स्मृती मानधना, जेमिमा रॉड्रिग्ज आणि दीप्ती शर्मा यांना कामगिरी उंचवावी लागेल. अष्टपैलू पूजा वस्त्रकारकडून संघाला योगदानाची अपेक्षा असणार आहे. ऑस्ट्रेलियाविरुद्ध भारताने विजय मिळवल्यास पारंपरिक प्रतिस्पर्धी पाकिस्तानविरुद्ध होणाऱ्या लढतीत भारतावर कमी दडपण असेल.