टी-२० विश्वचषक २०२२ ची ट्रॉफी इंग्लंड संघाला मिळवून दिल्यापासून अष्टपैलू बेन स्टोक्स खुपच चर्चेत आहे. या स्टोक्सबाबत मॅथ्यू मॉट यांनी एक मोठा दावा केला आहे. इंग्लंड संघाचे मुख्य प्रशिक्षक मॅथ्यू मॉट यांना आशा आहे की, बेन स्टोक्स एकदिवसीय आंतरराष्ट्रीय क्रिकेटमधून निवृत्तीचा निर्णय मागे घेऊ शकतो. मॅथ्यू मॉट म्हणाले की, तो भारतात २०२३ चा विश्वचषक खेळण्यासाठी एकदिवसीय निवृत्तीचा निर्णय मागे घेऊ शकतो. या वर्षाच्या सुरुवातीला, स्टोक्सने व्यस्त वेळापत्रकाचे कारण देत ५० षटकांचे क्रिकेट सोडण्याचा निर्णय जाहीर केला.
स्टोक्स हा कसोटी संघाचा कर्णधारही आहे. त्याच्या नेतृत्वाखाली इंग्लंड संघाने प्रशिक्षक ब्रेंडन मॅक्युलमसह गेल्या काही महिन्यांत अप्रतिम यश मिळवले आहे. त्याचवेळी, रविवारी (१३ नोव्हेंबर) टी-२० विश्वचषक फायनलमध्ये स्टोक्सच्या दमदार खेळीने, तो मॅचविनर असल्याचे पुन्हा एकदा सिद्ध केले आहे. त्यामुळेच त्याने भारतात होणाऱ्या विश्वचषकात खेळावे अशी व्यवस्थापनाची इच्छा आहे.
इंग्लंडचे मर्यादित षटकांचे मुख्य प्रशिक्षक मॅथ्यू मॉट यांनी क्रिकबझला सांगितले की, “तो त्रिमितीय खेळाडू आहे आणि त्याच्याकडे संघाला देण्यासाठी बरेच काही आहे. तो या संघात गोंद होता. मला वाटते की आमच्याकडे बरेच लोक आहेत. असे लोक आहेत जे विलक्षण गोष्टी करू शकतात, परंतु तो अशा प्रकारचा खेळाडू आहे की, जर तो क्रीजवर असेल तर तुम्ही सामना जिंकत आहात.”
ते पुढे म्हणाले, “जेव्हा तो माझ्याशी त्याच्या एकदिवसीय निवृत्तीबद्दल बोलला, तेव्हा मी पहिल्यांदा सांगितले की त्याने घेतलेल्या कोणत्याही निर्णयाला मी पाठिंबा देईन. परंतु मी त्याला सांगितले की त्याला निवृत्ती घ्यायची गरज नाही. काही दिवस वनडे क्रिकेटपासून दुर राहू शकतो,याच्यासाठी तुला निवृत्ता होण्याची गरज नाही.”
हेही वाचा – IPL 2023: केकेआरला आणखी एक मोठा धक्का, ‘हा’ खेळाडू देखील आयपीएलमध्ये सहभागी होणार नाही
मॉट पुढे म्हणाले, “मी त्याला आज परत येण्यास सांगेन. तथापि, त्याने आपले मत बनवले आहे आणि तो स्वतःचे निर्णय घेईल. तो इंग्रजी क्रिकेटसाठी जे योग्य आहे आणि जे त्याने नेहमीच केले आहे तेच करेल. एकदिवसीय क्रिकेटमधून.” त्याचा निवृत्तीचा निर्णय. त्याला असे वाटले नाही की तो आपले सर्व काही देऊ शकेल, कारण तो इंग्लिश क्रिकेटसाठी एक खास खेळाडू आहे.”
