IND vs AUS : कसोटी पदार्पणात मयंकचे अर्धशतक; ऑस्ट्रेलियाच्या भूमीत केला ‘हा’ विक्रम

Mayank Agarwal now the only 2nd Indian make a 50+ on Test debut on Australian soil after Dattu Phadkar (51) at SCG in Dec 1947! #AusvInd#AusvsInd

— Mohandas Menon (@mohanstatsman) December 26, 2018

पहिल्या दोन कसोटी सामन्यात अपयशी ठरलेल्या जोडीला कंटाळून अखेर भारतीय संघ व्यवस्थापनाने आज बॉक्सिंग डे कसोटीसाठी संघात दोन नवीन सलामीवीरांना संधी दिली आहे. त्यापैकी मयंक अग्रवाल हा सलामीवीर ऐतिहासिक क्षणाचा साक्षीदार ठरला आहे. मयंक अग्रवाल हा ऑस्ट्रेलियाच्या भूमीवर सलामीवीर म्हणून पदार्पण करणारा दुसरा भारतीय खेळाडू ठरला आहे. १९४७ साली आमिर इलाही नावाच्या खेळाडूने भारतातर्फे सलामीवीर म्हणून कसोटी पदार्पण केले होते. पण इलाही त्यांनी आपल्या पदार्पणाच्या सामन्यात दुसऱ्या डावात सलामी फलंदाजी केली होती. सिडनी येथे झालेल्या सामन्यात इलाही यांनी सलामी करत शानदार खेळी केली होती. त्यानंतर ऑस्ट्रेलियात पदार्पणाच्या सामन्यात सलामीवीर म्हणून खेळणारा मयंक हा दुसरा भारतीय ठरला आहे.

याशिवाय, हा सामना आणखी एका कारणासाठी महत्वाचा ठरला. भारतीय संघासाठी दोनही फलंदाज सलामीला प्रथमच फलंदाजी करण्याची ही भारताची एकूण ५३२ कसोटी सामन्यातील केवळ तिसरीच वेळ ठरली आहे. तब्बल ८२ वर्षाच्या कालावधीनंतर भारताने एकाच वेळी दोन नवे सलामीवीर खेळवले आहेत. दरम्यान, आज सामना सुरु होण्याआधी मयंकला कसोटी कॅप देण्यात आली.