आता फलंदाजाला बॅट्समनऐवजी ‘बॅटर’ म्हटलं जाणार! MCC नं घेतला निर्णय!

“एमसीसीला वाटतं की जेंडर न्यूट्रल शब्दाचा वापर केल्याने क्रिकेट सर्वसमावेशक होईल. हे पाऊल त्या दिशेनं आहे. यामुळे खेळाप्रती क्रीडारसिकांची भावना आणखी जोडली जाईल.”, असं एमसीसीचे सहाय्यक सचिव एमी कॉक्स यांनी सांगितलं. तर फिल्डर आणि बॉलर या शब्दावर कोणतीच आपत्ती नसल्याचंही त्यांनी स्पष्ट केलं आहे. मान्यतेनंतर lords.org/laws यावर हा बदल प्रकाशित करण्यात आला आहे. काही सरकारी संस्था आणि मीडिया संस्था आधीच वृत्तांकन करताना बॅटर हा शब्द वापरत आहेत.

आंतरराष्ट्रीय क्रिकेट मंडळाने २०१७ मध्ये कायद्यांमध्ये बदल करताना महिला क्रिकेट फलंदाजांना काय संबोधलं जावं हा प्रश्न उपस्थित केला होता. यासाठी महिला क्रिकेटमधील प्रमुख व्यक्तींशी सल्लामसलत करण्यात आली होती. तेव्हा बॅट्समन हा शब्द कायम ठेवण्यात आला होता.