MI-W vs DC-W Live, WPL 2025 Final: दिल्लीकडून अजूनही झुंज सुरूच, मारिजन कापची फटकेबाजी; DC ला विजयासाठी इतक्या धावांची गरज

नताली स्किव्हर ब्रंटच्या १३व्या षटकात दिल्लीने पहिल्या चार चेंडूंवर दहा धावा केल्या असतानाही धाव चोरण्याचा नादात सारा ब्राईस धावबाद झाली. संस्कृती गुप्ताच्या परफेक्ट थ्रोवर मुंबईला सहावी विकेट मिळाली. यासह दिल्लीने १३ षटकांत ६ बाद ८४ धावा केल्या.

साईका इशाकने आठव्या षटकातील अखेरच्या चेंडूवर संघाला चौथी विकेट मिळवून दिली. आपला पाचवा चेंडू खेळत असलेल्या सदरलँडने पुढे जाऊन फटका खेळण्याचा प्रयत्न केला, पण ती चेंडू खेळायला चुकली. तितक्यात यस्तिकाने चेंडू टिपत स्टंपिंग केलं आणि चौथी विकेट गमावली. यासह दिल्लीने आठ षटकांत ४ विकेट्स गमावत ४४ धावा केल्या.

शबनम इस्माईलने पुढच्याच म्हणजे तिसऱ्या षटकातील शेवटच्या चेंडूवर शफाली वर्माला पायचीत करत मुंबईला अजू एक मोठी विकेट मिळवून दिली. शफाली वर्मा विस्फोटक फलंदाज आहे हे पाहता तिची विकेट संघासाठी खूप महत्त्वाची होती.

नताली स्किव्हर ब्रंटने दुसऱ्या षटकातील अखेरच्या चेंडूवर मेग लॅनिंगला क्लीन बोल्ड करत संघाला मोठी विकेट मिळवून दिली आहे. मेग लॅनिंग दिल्ली संघाची कर्णधार आहे. लॅनिंगने पहिल्याच चेंडूवर चौकार लगावत सुरूवात केली होती. लॅनिंग ९ चेंडूत २ चौकारांसह १३ धावा करत बाद झाली.

मुंबई इंडियन्सने खराब सुरूवातीनंतर स्पर्धात्मक धावसंख्या उभारली आहे. मुंबई इंडियन्सने २० षटकांत ७ बाद १४९ धावा केल्या आहेत. अमनजोत कौर आणि संस्कृती गुप्ता यांनी अखेरच्या षटकांमध्ये महत्त्वपूर्ण धावा केल्या. याशिवाय मुंबई १४ धावांवर २ विकेट बाद असताना हरमनप्रीत कौर आणि नॅट स्किव्हर ब्रंटने संघाचा डाव सावरला. नॅट मोठी खेळी करण्यात अपयशी ठरली. पण हरमनप्रीतने एक कमालीची खेळी करत संघाच्या चांगल्या धावसंख्येचा पाया रचला. हरमनप्रीत कौरने ४४ चेंडूत ९ चौकार आणि २ षटकारांसह ६६ धावा केल्या.

https://twitter.com/wplt20/status/1900937918526746846

१८व्.या षटकातील पहिल्या चेंडूवर मोठा फटका खेळायला गेली आणि हरमनप्रीत कौर सीमारेषेजवळ मारिजन कापकरवी झेलबाद झाली. हरमन ४४ चेंडूत ९ चौकार आणि २ षटकारांसह ६६ धावा करत बाद झाली. यासह मुंबई इंडियन्सच्या स्पर्धात्मक धावसंख्येला धक्का बसला आहे.

मुंबई इंडियन्सने १५व्या षटकात तिसरी मोठी विकेट गमावली आहे. हरमनप्रीत कौर आणि नॅट स्किव्हर ब्रंटने संघाचा डाव सावरला होता. पण चरणीच्या षटकातली पाचव्या चेंडूवर मोठा फटका खेळण्याच्या प्रयत्नात ३० धावांवर झेलबाद झाली. यासह मुंबईने १५ षटकांत ३ बाद १०४ धावा केल्या आहेत.

नॅट स्किव्हर ब्रंट यंदाच्या वुमन्स प्रीमियर लीग २०२५ मध्ये उत्कृष्ट फॉर्मात आहे. यासह तिने एका सीझनमध्ये ५०० धावांचा टप्पा गाठला आहे. एका सीझनमध्ये ५०० धावा करणारी नॅट स्किव्हर ब्रंट ही वुमन्स प्रीमियर लीगमधील पहिली महिला फलंदाज ठरली आहे. याशिवाय नॅटने वुमन्स प्रीमियर लीगमध्ये १००० धावांचा टप्पा गाठला आहे.

दिल्लीच्या मारिजन कापने यस्तिका भाटियाला झेलबाद करत संघाला दुसरी विकेट मिळवून दिली आहे. यस्तिका भाटियाने चौकार मारत संघावरचा दबाव कमी केला, पण पुढच्याच चेंडूवर ती झेलबाद झाली.जेमिमा रोड्रिग्जने एक कमालीचा झेल टिपला. यासह मुंबईने ५ षटकांत २ विकेट गमावत १५ धावा केल्या आहेत.

मुंबईचा संघ नाणेफेक गमावत प्रथम फलंदाजीसाठी उतरला आहे. अंतिम सामन्यात मुंबईकडून हिली मॅथ्यूज आणि यस्तिका भाटियाची जोडी मैदानात आहे. तर दिल्लीकडून मारिजन काप गोलंदाजी करत आहे.

मेग लॅनिंग (कर्णधार), शफाली वर्मा, जेस जोनासेन, जेमिमाह रॉड्रिग्स, ॲनाबेल सदरलँड, मारिझान कॅप, सारा ब्राइस (विकेटकिपर), निकी प्रसाद, मिन्नू मणी, शिखा पांडे, नल्लापुरेड्डी चरणी

WPL 2025 मधील मुंबई इंडियन्स वि. दिल्ली कॅपिटल्स सामन्याची नाणेफेक उशिराने होणार आहे. वुमन्स प्रीमियर लीग २०२५ ची क्लोजिंग सेरेमनी सुरू असल्याने नाणेफेक उशिराने होणार आहे.

मुंबई इंडियन्स वि. दिल्ली कॅपिटल्स यांच्यातील वुमन्स प्रीमियर लीग 2025 चा अंतिम सामना सुरू होणार आहे. हा सामना संध्याकाळी ८ वाजता सुरू होणार आहे तर नाणेफेक ७.३० वाजता होईल.

२०२३ मध्ये महिला प्रीमियर लीगच्या मोसमात चॅम्पियन बनण्याचा मान मिळवला होता. त्यानंतर २०२४ मध्ये आरसीबीने विजेतेपदावर कब्जा केला. आता मुंबईला पुन्हा दुसऱ्यांदा चॅम्पियन बनण्याची मोठी संधी आहे. जर मुंबईने फायनल जिंकली तर हा संघ दोनदा विजेतेपद पटकावणारा पहिला संघ ठरेल.

यास्तिका भाटिया (विकेटकीपर), हिली मॅथ्यूज, नॅट स्किव्हर-ब्रंट, हरमनप्रीत कौर (कर्णधार), सजीवन सजना, अमेलिया कर, अमनजोत कौर, जी कमलिनी, संस्कृती गुप्ता, शबनीम इस्माईल, सायका इशाक, क्लो ट्रायॉन, नादिन डी क्लार्क, कीर्तन बालाकृष्णन, जिंतीमणी कलिता, पारूनिका सिसोदिया. अमनदीप कौर, अक्षिता महेश्वरी