MI-W vs GG-W WPL Playoff 2025 Live Cricket Score Online: वुमन्स प्रीमियर लीग २०२५ मधील एलिमिनेटर सामना मुंबई इंडियन्स वि. गुजरात जायंट्स यांच्यात खेळवला जाणार आहे. या सामन्यातील विजेता संघ अंतिम फेरीत प्रवेश करत दिल्ली कॅपिटल्सविरूद्ध खेळणार आहे. मुंबई इंडियन्सचे नेतृत्त्व हरमनप्रीत कौर करणार आहे. तर गुजरात संघाचे कर्णधारपद एश्ले गार्डनरकडे आहे.
MI vs GG Match Live Updates in Marathi: वुमन्स प्रीमियर लीग २०२५ मधील एलिमिनेटर सामना मुंबई इंडियन्स वि. गुजरात जायंट्स यांच्यात खेळवला जात आहे. विजेता संघ अंतिम फेरीत पोहोचेल.
हिली मॅथ्यूजने ११व्या षटकात शानदार षटकारासह आपलं अर्धशतक पूर्ण केलं आहे. हिलीने ३६ चेंडूत १ षटकार आणि ८ चौकारांसह ५० धावा केल्या. यासह मुंबई संघाने ११ षटकांत १०० धावांचा पल्ला गाठल. तर नॅट १६ चेंडूत ३० धावा करत मैदानावर कायम आहे.
MI vs GG Live: हिली मॅथ्यूजची चौकारांची हॅटट्रिक
मुंबईची सलामीवीर हिली मॅथ्यूजने प्रिया मिश्राच्या आठव्या षटकात सलग तीन चौकार लगावत मुंबईच्या धावांमध्ये महत्त्वपूर्ण भर घातली आहे. प्रिया मिश्राच्या षटकातील पहिल्या ३ चेंडूवर हिलीने शानदार फटकेबाजी करत चौकार लगावले. यासह मुंबईने ८ षटकांत १ बाद ६५ धावा केल्या.
MI vs GG Live: ५० धावा पूर्ण
नॅट स्किव्हर ब्रंट आणि हिली मॅथ्यूज यांनी मिळून ७ षटकांत ५० धावा केल्या. नॅट १४ धावा तर हिली १७ धावा करत खेळत आहे.
मुंबई इंडियन्सला ५व्या षटकात पहिला धक्का बसला. डिएंड्रा डोटिनच्या जागी संघात आलेल्या गिब्सनला तिच्या पहिल्या षटकातील दुसऱ्याच चेंडूवर पहिली विकेट मिळाली. यासह यस्तिका १५ धावा करत बाद झाली. तर मुंबईने ५ षटकांत १ बाद ३१ धावा केल्या आहेत.
मुंबई इंडियन्सच्या फलंदाजीला सुरूवात झाली असून मुंबईकडून हिली मॅथ्यूज आणि यस्तिका भाटियाची जोडी उतरली आहे. यासह मुंबईने ३ षटकांत बिनबाद १६ धावा केल्या आहेत.
मुंबई इंडियन्स संघाने एलिमिनेटर सामन्यात संघात मोठा बदल केला आहे. फिरकीपटू पारूनिका सिसोदियाच्या जागी अनुभवी साईका इशाकला संघात संधी दिली आहे.
हिली मॅथ्यूज, अमेलिया कर, नॅट स्किव्हर-ब्रंट, हरमनप्रीत कौर (कर्णधार), अमनजोत कौर, यास्तिका भाटिया (यष्टीरक्षक), सजीवन सजना, जी कमलिनी, संस्कृती गुप्ता, शबनीम इस्माईल, सायका इशाक
गुजरात जायंट्स संघाला अखेरच्या क्षणी मोठा धक्का बसला आहे. संघाची अष्टपैलू खेळाडू डिएंड्रा डॉटिन एलिमिनेटर सामन्यापूर्वी दुखापत झाल्याने सामन्याबाहेर झाली आहे. तिच्या जागी डॅनिएल गिब्सन हिला संधी देण्यात आली आहे.
बेथ मुनी (यष्टीरक्षक), काश्वी गौतम, हरलीन देओल, एशले गार्डनर (कर्णधार), फोबी लिचफिल्ड, डॅनिएल गिब्सन, भारती फुलमाली, सिमरन शेख, तनुजा कंवर, मेघना सिंग, प्रिया मिश्रा
गुजरात जायंट्स संघाने नाणेफेक जिंकली असून प्रथम गोलंदाजी करण्याचा निर्णय घेतला आहे. तर मुंबई इंडियन्सचा संघ प्रथम फलंदाजी करताना दिसणार आहे. गुजरात संघात अखेरच्या क्षणी मोठा बदल झाला आहे. तर मुंबईच्या संघातही एक बदल पाहायला मिळत आहे.
MI vs GG Live: मुंबई वि. गुजरात
मुंबई इंडियन्स वि. गुजरात जायंट्स यांच्याती हा सामना ७.३० वाजता सुरू होणार आहे. तर हा सामना मुंबईच्या घरच्या मैदानावर म्हणजेच ब्रेबॉर्न स्टेडियमवर खेळवला जात आहे.
MI vs GG Live: गुजरात जायंट्सने जिंकले ४ सामने
गुजरातने आठ सामन्यांपैकी ४ सामने जिंकले तर ४ सामन्यात त्याला पराभव पत्करावा लागला. यासह गुजरातचा संघ ८ गुणांसह तिसऱ्या स्थानी आहे आणि वुमन्स प्रीमियर लीगच्या तिसऱ्या सीझनच्या प्लेऑफमध्ये आपले स्थान पक्क केलं.
MI vs GG Live: मुंबईने जिंकले ५ सामने
एलिमिनेटर सामन्यापूर्वी, मुंबईने या मोसमात एकूण ८ सामने खेळले होते, ज्यात संघाने ५ सामने जिंकले होते, तर ३ सामन्यात संघाला पराभवाचा सामना करावा लागला होता. ५ सामने जिंकून या संघाने १० गुणांची कमाई केली आणि गुणतालिकेत दुसऱ्या स्थानावर आहे. साखळी टप्प्यातील आरसीबीविरूद्ध अखेरच्या सामन्यात मुंबईला ९ धावांनी पराभव पत्करावा लागला, ज्यामुळे मुंबईचा संघ एलिमिनेटर सामना खेळत आहे. मुंबईने जर तो सामना जिंकला असता तर संघ थेट फायनलमध्ये पोहोचला असता.
MI vs GG Eliminator Live: मुंबई इंडियन्स वि. गुजरात जायंट्स
हरमनप्रीत कौरच्या नेतृत्वाखाली मुंबई हा सामना जिंकून अंतिम फेरीत स्थान मिळवण्याचा प्रयत्न करेल, पण त्यांच्यासमोर एश्ले गार्डनरच्या नेतृत्वाखाली गुजरात जायंट्स संघ आहे, ज्याने साखळी सामन्यांमध्ये चांगली कामगिरी केली आहे. साखळी सामन्यांनंतर मुंबई संघ १० गुणांसह गुणतालिकेत दुसऱ्या स्थानावर आहे, तर गुजरात संघ ८ गुणांसह तिसऱ्या स्थानावर आहेत. तर युपी आणि आरसीबीचा संघ साखळी फेरीतून स्पर्धेतून बाहेर झाले आहेत.
MI vs GG Live: मुंबई इंडियन्सचा संपूर्ण संघ
हिली मॅथ्यूज, अमेलिया कर, नॅट स्किव्हर-ब्रंट, हरमनप्रीत कौर (कर्णधार), अमनजोत कौर, यास्तिका भाटिया (यष्टीरक्षक), सजीवन सजना, जी कमलिनी, संस्कृती गुप्ता, शबनिम इस्माईल, पारुनिका सिसोदिया, क्लो ट्रायॉन, नादिन डी क्लार्क, किर्तन बालाकृष्णन, साईका इशाक, जिन्तिमणी कलिता, अमनदीन कौर, अक्षिता महेश्वरी
MI vs GG Live: गुजरात जायंट्सचा संपूर्ण संघ
बेथ मुनी (यष्टीरक्षक), काश्वी गौतम, हरलीन देओल, ऍशले गार्डनर (कर्णधार), फोबी लिचफिल्ड, डिआंड्रा डॉटिन, भारती फुलमाली, सिमरन शेख, तनुजा कंवर, मेघना सिंग, प्रिया मिश्रा, लॉरा वोल्वार्ड, डॅनिएल गिब्सन, दयालन हेमलता, मन्नत कश्यप, शबनम एमडी शकील, प्रकाशिका नाईक, सायली सातघरे
MI-W vs GG-W WPL Eliminator 2025 Live Cricket Score: मुंबई इंडियन्स वि. गुजरात जायंट्स सामन्याचे लाईव्ह अपडेट्स
