IND vs ENG Edgbaston Test: ऋषभ पंतची अनोखी शैली; जमिनीवर पडताना मारला चौकार

भारतीय डावाच्या ५७व्या षटकामध्ये ऋषभ पंत इंग्लंडचा डावखुरा फिरकी गोलंदाज जॅक लीचचा सामना करत होता. एक चेंडू टोलावताना पंतचा तोल गेला आणि तो थेट जमिनीवर पडला. अशाही स्थितीत त्याने जोरदार चौकार मारत चेंडू सीमारेषेच्या बाहेर पाठवला. असे करताना त्याच्या पायाला बॅटही लागली. त्याने केवळ ८९ चेंडूत शतक पूर्ण केले. हे भारतीय यष्टीरक्षकाचे कसोटीतील सर्वात जलद शतक ठरले.

भारतीय फलंदाजी ठेपाळली असताना पंत आणि जडेजाने सहाव्या गड्यासाठी २२२ धावांची भागीदारी केली आणि भारताला ३०० धावांचा टप्पा ओलांडून दिला. दोघांच्या संयमी खेळीमुळे भारताने पहिल्या दिवशी ७३ षटकांत सात गडी गमावून एकूण ३३८ धावा केल्या.