WPL 2023: पत्नी एलिसाचा वाढदिवस साजरा करण्यासाठी मिचेल स्टार्क भारतातच पण सामन्यातील पराभवाचे हावभाव व्हायरल, पाहा Video

यूपी वॉरियर्स संघाचा एक भाग असलेल्या लॉरेन बेलने तिच्या इंस्टाग्राम अकाउंटवर ही कथा शेअर केली आहे आणि त्यात स्टार्क पत्नी एलिसाच्या चेहऱ्यावर केक लावताना दिसत आहे. या पोस्टमध्ये बेलने हॅपी बर्थडे कॅप्टन अ‍ॅलिसा हिली असे लिहिले आहे. मिचेल स्टार्क हा देखील भारत दौऱ्यावर आलेल्या ऑस्ट्रेलियन पुरुष संघाचा एक भाग होता, ज्याने काही दिवसांपूर्वी संपलेल्या तीन सामन्यांच्या वन डे मालिकेत कांगारू संघाला २-१ने विजय मिळवून देण्यात महत्त्वाची भूमिका बजावली होती. या मालिकेतील दुसऱ्या सामन्यातही स्टार्कने ५ बळी घेत संघाच्या विजयात मोलाचे योगदान दिले.

सामन्यात काय झाले?

हरमनप्रीत कौरच्या नेतृत्वाखालील मुंबई इंडियन्स आणि अ‍ॅलिसा हिलीच्या यूपी वॉरियर्स यांच्यातील महिला प्रीमियर लीग (WPL) २०२३ एलिमिनेटर सामना २४ मार्च रोजी डॉ. डीवाय पाटील स्पोर्ट्स अकादमी, नवी मुंबई येथे खेळला गेला. एकतर्फी लढतीत, मुंबई इंडियन्सने यूपी वॉरियर्सचा ७२ धावांनी पराभव करून महिला प्रीमियर लीग (WPL) २०२३च्या अंतिम फेरीत स्थान निश्चित केले. या पराभवासह, यूपी स्पर्धेतून बाहेर पडला आहे, तर मुंबईच्या ब्रेबॉर्न स्टेडियमवर २६ मार्च रोजी खेळल्या जाणार्‍या WPL २०२३च्या अंतिम फेरीत मुंबईचा सामना दिल्ली कॅपिटल्सशी होईल.

अ‍ॅलिसा हिलीला सपोर्ट करण्यासाठी मिचेल स्टार्क स्टेडियममध्ये पोहोचला

दरम्यान, जेव्हा यूपी वॉरियर्सची कर्णधार अ‍ॅलिसा हिलीने नाणेफेकसाठी क्षेत्ररक्षण केले तेव्हा ऑस्ट्रेलियन स्टारला खूप खास वाटले असेल कारण तिचा नवरा मिचेल स्टार्क तिला WPL २०२३ एलिमिनेटर सामन्यादरम्यान पाठिंबा देण्यासाठी स्टेडियममध्ये आला होता. आम्ही तुम्हाला सांगतो, ऑस्ट्रेलियाचा स्टार वेगवान गोलंदाज मिचेल स्टार्क अनेकदा त्याची पत्नी एलिसा हिलीला पाठिंबा देण्यासाठी स्टेडियममध्ये येतो आणि WPL २०२३ एलिमिनेटर काही वेगळे नव्हते. मात्र त्याचे हावभाव सामन्यातील पराभवामुळे नाराजीचे दिसत होते.

हेही वाचा: Jaspirt Bumrah: …तर जसप्रीत बुमराहचं करिअर धोक्यात, दुखापतीबाबत मोठा खुलासा

खरं तर, ऑस्ट्रेलियन पुरुष संघाला टीम इंडियाविरुद्ध २-१ अशी एकदिवसीय मालिका जिंकण्यात मदत केल्यानंतर स्टार्क आपल्या पत्नीला पाठिंबा देण्यासाठी चेन्नईहून थेट मुंबईत आला होता. मुंबई इंडियन्स विरुद्ध यूपी वॉरियर्स सामन्यादरम्यान, ऑस्ट्रेलियन डावखुरा वेगवान गोलंदाज यूपी वॉरियर्स जर्सी परिधान केलेल्या स्टँडमध्ये पत्नी हिलीला पाठिंबा देताना दिसला, ज्याची छायाचित्रे सोशल मीडियावर व्हायरल झाली आहेत.