भारतीय महिला संघाच्या आगामी वेस्ट इंडिज दौऱ्यासाठी बीसीसीआयने शुक्रवारी रात्री भारतीय महिला संघाची घोषणा केली आहे. या दौऱ्यात भारतीय महिला संघ ३ वन-डे आणि ५ टी-२० सामने खेळणार आहे. १ ते २० नोव्हेंबर पर्यंत भारतीय महिला संघाचा वेस्ट इंडिज दौरा रंगणार आहे. सध्या भारतीय महिला संघ घरच्या मैदानावर दक्षिण आफ्रिकेच्या महिला संघाविरुद्ध टी-२० मालिका खेळणार आहे.
बीसीसीआयने पुन्हा एकदा वन-डे संघाचं नेतृत्व मिताली राजकडे तर टी-२० संघाचं नेतृत्व हरमनप्रीत कौरकडे सोपवलं आहे.
वन-डे मालिकेसाठी भारतीय महिलांचा संघ –
मिताली राज (कर्णधार), हरमनप्रीत कौर (उप-कर्णधार), स्मृती मंधाना, जेमायमा रॉड्रीग्ज, दिप्ती शर्मा, पुनम राऊत, डी. हेमलता, झुलन गोस्वामी, शिखा पांडे, मानसी जोशी, पूनम यादव, एकता बिश्त, राजेश्वरी गायकवाड, तानिया भाटीया (यष्टीरक्षक), प्रिया पुनिया, सुषमा वर्मा
टी-२० मालिकेसाठी भारतीय महिलांचा संघ –
हरमनप्रीत कौर (कर्णधार), स्मृती मंधाना (उप-कर्णधार), जेमायमा रॉड्रीग्ज, शाफाली वर्मा, हरलीन देओल, दिप्ती शर्मा, तानिया भाटीया (यष्टीरक्षक), पूनम यादव, राधा यादव, वेदा कृष्णमुर्ती, अनुजा पाटील, शिखा पांडे, पुजा वस्त्राकर, मानसी जोशी, अरुंधती रेड्डी
