Mitali Raj: मिताली राजला भारताला अंतिम फेरीत पाहायचे आहे; म्हणाली, “घरच्या मैदानावर विश्वचषक…”

भारताची महिला संघाची माजी कर्णधार मिताली राजने पुरुष संघाच्या विश्वचषक २०२३ संदर्भात भाष्य केलं आहे. ती म्हणाली, “टीम इंडियासाठी ही एक मोठी संधी आहे, आम्ही यजमान आहोत आणि परिस्थिती आमच्या अनुकूल आहे.” मिताली पुढे म्हणाली, “महिला प्रीमियर लीग फायनलच्या वेळी बोलताना ती म्हणाली, “जर संघाने चांगली कामगिरी केली तर एकदिवसीय विश्वचषक जिंकण्याची सुवर्ण संधी रोहित शर्माच्या संघाला आहे. टीम इंडिया तिसऱ्यांदा आणि तेही मायदेशात विश्वचषक उंचावू शकतो.”

हेही वाचा: Rohit Sharma: रोहित शर्माचे २०१९ विश्वचषकाच्या आठवणींवर सूचक विधान; म्हणाला, “मला पुन्हा त्याच झोनमध्ये…”

पुढे मिताली राज म्हणाली की, “काश्मीरमध्ये महिला क्रिकेट वाढण्याची मोठी बी क्षमता सीसीआयमध्ये आहे. त्यामुळे ते यावर नक्की विचार करतील. महिला क्रिकेटला आणखी पुढे नेण्यासाठी हे योग्य वेळ आहे असे माझे मत आहे. महिला प्रीमिअर लीगमुळे अनेक युवा क्रिकेटपटूंना संधी मिळेल.”

भारतातील १० शहरांमध्ये सामने होणार आहेत

विश्वचषकात एकूण ५८ सामने खेळले जाणार आहेत. यामध्ये १० सराव सामन्यांचा समावेश आहे. विश्वचषकाचे सामने भारतातील १० शहरांमध्ये खेळवले जाणार आहेत. हैदराबाद, अहमदाबाद, धरमशाला, दिल्ली, चेन्नई, लखनौ, पुणे, बंगळुरू, मुंबई आणि कोलकाता येथे सामने होणार आहेत. गुवाहाटी आणि तिरुवनंतपुरम व्यतिरिक्त हैदराबाद येथे सराव सामने होणार आहेत.

हेही वाचा: Sunil Gavaskar: “आगामी १०-१५ वर्षात भारत एक स्पोर्टिंग…”, नीरज चोप्रा, प्रज्ञानंद, प्रणॉय यांच्या यशानंतर गावसकरांचे सूचक विधान

श्रीलंका आणि नेदरलँडला क्वालिफायरमधून प्रवेश मिळाला

या विश्वचषकात एकूण १० संघ सहभागी होणार आहेत. श्रीलंका आणि नेदरलँडचे संघ पात्रता म्हणून या स्पर्धेत पोहोचले आहेत. या दोघांशिवाय यजमान भारत, न्यूझीलंड, इंग्लंड, ऑस्ट्रेलिया, बांगलादेश, पाकिस्तान आणि अफगाणिस्तान हे संघ विश्वचषकात दिसणार आहेत. भारताचा पहिला सामना हा ८ ऑक्टोबरला ऑस्ट्रेलियाविरुद्ध चेन्नईमध्ये होणार आहे. त्यानंतर १४ ऑक्टोबरला अहमदाबादमध्ये बहुप्रतीक्षित असा भारत आणि पाकिस्तान सामना रंगणार आहे.