MI New-York won MLC 2023: अमेरिकेत सुरु असलेल्या मेजर लीग क्रिकेटच्या (एमएलसी) पहिल्या सत्रात मुंबई इंडियन्स न्यूयॉर्कच्या संघाने अंतिम सामन्यात सिएटल ऑर्कास संघाचा ७ गडी राखून पराभव करून विजेतेपद पटकावले. अंतिम सामन्यात १८४ धावांच्या लक्ष्याचा पाठलाग करताना एमआय न्यूयॉर्क संघाचा कर्णधार निकोलस पूरनने ५५ चेंडूत नाबाद १३७ धावांची तुफानी शतकी खेळी करत संघाला सहज विजय मिळवून दिला. एमआय न्यूयॉर्क संघाने हे लक्ष्य अवघ्या १६ षटकांत ३ गड्यांच्या मोबदल्यात पूर्ण केले. या विजयाने आता मुंबई इंडियन्सच्या ताफ्यात नऊ ट्रॉफी जमा झाल्या आहेत.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

मुंबई इंडियन्स न्यूयॉर्कच्या संघाने जेव्हा लक्ष्याचा पाठलाग करण्यास सुरुवात केली तेव्हा त्यांची सुरुवात चांगली झाली नाही. डावाच्या पहिल्याच षटकात शून्य धावसंख्येवर स्टीव्हन टेलरच्या रूपाने संघाला पहिला धक्का बसला. यानंतर तिसऱ्या क्रमांकावर फलंदाजीसाठी आलेल्या कर्णधार निकोलस पूरनने येताच आपले इरादे स्पष्ट केले. एका टोकाकडून सातत्याने आक्रमक धावा करणाऱ्या निकोलस पूरनने ६ षटकांत संघाची धावसंख्या ८० धावांपर्यंत नेली.

आणखी वाचा

निकोलस पूरनने सिएटल ऑर्कासच्या गोलंदाजांवर एका टोकाकडून आक्रमण सुरूच ठेवले. पूरनने डेवाल्ड ब्रेविससोबत तिसऱ्या विकेटसाठी ४४ चेंडूत ७५ धावांची भागीदारी केली. एमआय न्यूयॉर्कला या सामन्यात तिसरा धक्का १३७ धावांवर ब्रेविसच्या रूपाने बसला, जो २० धावा करून धावबाद झाला. यानंतर निकोलस पूरनने आपले शतक पूर्ण करून संघाला विजय मिळवून दिला. पूरनच्या बॅटने ५५ चेंडूत १० चौकार आणि १३ षटकारांच्या मदतीने नाबाद १३७ धावांची खेळी साकारली.

क्विंटन डिकॉकचे धडाकेबाज खेळी व्यर्थ

सिएटल संघासाठी दक्षिण आफ्रिकेचा यष्टीरक्षक सलामीवीर क्विंटन डिकॉकने ५२ चेंडूत ८७ धावांची धडाकेबाज खेळी केली. मात्र, त्यावर निकोलस पूरनच्या शतकी खेळीने पाणी फिरवले. यादरम्यान डिकॉकने ४ षटकार आणि ९ चौकार लगावले. त्याच्याशिवाय एकाही फलंदाजाला मोठी खेळी करता आली नाही. न्यूयॉर्क संघाकडून ट्रेंट बोल्ट आणि राशिद खान यांनी प्रत्येकी ३-३ विकेट्स घेतले.

निकोलस पूरनने मुंबई इंडियन्स न्यूयॉर्क विजय मिळवून दिला

पूरनने नाबाद शतक झळकावून संघाला विजय मिळवून दिला. पूरनने या सामन्यात ५५ चेंडूत १३७ धावांची नाबाद खेळी केली. यादरम्यान त्याने १३ षटकार आणि १० चौकार मारले. त्याचा स्ट्राईक रेटही २४९ होता. १८४ धावांच्या लक्ष्याचा पाठलाग करताना न्यूयॉर्क संघाची सुरुवात चांगली झाली नाही. संघाने खाते न उघडता स्टीव्हन टेलरच्या रूपाने पहिली विकेट गमावली होती. यानंतर कर्णधार आणि यष्टिरक्षक निकोलस पूरनने तिसऱ्या क्रमांकावर येऊन आघाडी घेतली. त्याने सिएटल संघाच्या गोलंदाजांना चौफेर फटकेबाजी करत अक्षरशः धुतले.

हेही वाचा: Team India: “धवन सलामीला अन रोहित, विराट ‘या’ क्रमांकावर…” पाकिस्तानच्या माजी खेळाडूने दिला अजब पर्याय

मुंबई इंडियन्सची ही नववी ट्रॉफी आहे

चॅम्पियन्स लीग २०११
आयपीएल २०१३
चॅम्पियन्स लीग २०१३
आयपीएल २०१५
आयपीएल २०१७
आयपीएल २०१९
आयपीएल २०२०
डब्ल्यूपीएल २०२३
मेजर लीग क्रिकेट २०२३