MS Dhoni and Daughter Ziva Playing with Dogs: भारताचा माजी कर्णधार आणि सध्याचा चेन्नई सुपर किंग्ज (CSK) कर्णधार एम.एस. धोनी गेल्या महिन्यात इंडियन प्रीमियर लीग (IPL) २०२३ मध्ये विक्रमी पाचवे जेतेपद पटकावल्यानंतर सध्या त्याच्या कुटुंबासोबत दर्जेदार वेळ घालवत आहे. ४१ वर्षीय दिग्गज यष्टीरक्षक-फलंदाज गुडघ्याच्या दुखापतीने संपूर्ण आयपीएल २०२३ खेळला. मात्र, चेन्नई सुपर किंग्जला पाचव्यांदा चॅम्पियन बनवल्यानंतर, धोनीवर मुंबईतील एका प्रसिद्ध रुग्णालयात यशस्वी शस्त्रक्रिया करण्यात आली आहे आणि लवकरच पुन्हा मैदानात सराव करताना दिसेन.
पाचव्यांदा आयपीएलचे जेतेपद पटकावल्यानंतर चेन्नई सुपर किंग्सचा कर्णधार महेंद्रसिंग धोनी आपल्या कुटुंबासोबत वेळ घालवत आहे. एम.एस. धोनी आयपीएल २०२३ नंतर निवृत्त होईल, असे मानले जात होते. पण या महिन्याच्या सुरुवातीला मुंबईत गुडघ्यावर शस्त्रक्रिया झाल्यानंतर धोनी आयपीएल २०२४ मध्ये खेळेल अशी अपेक्षा आहे. दरम्यान, धोनीचा एक व्हिडिओ सोशल मीडियावर व्हायरल होत आहे, ज्यामध्ये तो त्याची मुलगी झिवा आणि त्याच्या कुत्र्यासोबत खेळताना दिसत आहे.
एम.एस. धोनीने झिवासोबत खास क्षण घालवले
दरम्यान, एम.एस. धोनी सोशल मीडियावर खूपच कमी सक्रिय राहतो. २०२०मध्ये आंतरराष्ट्रीय क्रिकेटमधून निवृत्ती घेतल्यानंतर धोनीच्या चाहत्यांमध्ये लक्षणीय वाढ झाली आहे, परंतु त्याच्या चाहत्यांना त्याची एक झलक पाहण्यासाठी CSK किंवा त्याची पत्नी साक्षी यांच्या सोशल मीडिया हँडलला भेट द्यावी लागते. बरं, साक्षी धोनीने पुन्हा एकदा कर्णधार आणि त्याच्या चाहत्यांचा दिवस चांगला जावा यासाठी इंस्टाग्रामवर आपली मुलगी झिवाचा एक गोंडस व्हिडिओ शेअर करून बनवला आहे. या व्हिडिओमध्ये धोनी आणि झिवा त्यांच्या पाळीव प्राण्यांबरोबर म्हणजेच कुत्र्यांबरोबर मस्ती करताना दिसत आहेत. आता हा व्हिडिओ सोशल मीडियावर प्रचंड व्हायरल होत आहे.
भारतीय संघाचा माजी कर्णधार एस.एस. धोनी, ज्याने तीन वेगवेगळ्या आयसीसी जेतेपदे जिंकली, त्याची गणना जगातील सर्वात श्रीमंत क्रिकेटपटूंमध्ये केली जाते. माहीचे रांचीमध्ये आलिशान फार्म हाऊस आहे. धोनीचे हे फॉर्म हाउस खूप खास आहे. येथे तो अनेकदा पत्नी साक्षी धोनी आणि मुलगी झिवासोबत क्वालिटी टाइम घालवण्यासाठी येतो. धोनीकडे चार वेगवेगळ्या जातींचे पाळीव कुत्री आहेत, ज्यांच्यासोबत तो खेळताना आणि सराव करताना दिसतो.
एम.एस. धोनी आयपीएल २०२४ मध्ये पुनरागमन करणार का?
दरम्यान, एम.एस. धोनीने त्याच्या चाहत्यांना भेट म्हणून आयपीएल २०२३च्या फायनलनंतर आयपीएल २०२४ मध्ये पुनरागमन करण्याचे वचन दिले होते. मात्र, तो शस्त्रक्रियेतून कसा बरा होतो आणि आयपीएलच्या दुसऱ्या मोसमासाठी तो शारीरिकदृष्ट्या तंदुरुस्त आहे की नाही यावर अवलंबून असेल. धोनी वर्षभरात फक्त एकच स्पर्धा खेळत असल्याने, त्याचे प्रशिक्षण इतर खेळाडूंच्या तुलनेत खूप लवकर सुरू होते आणि गुडघ्याच्या शस्त्रक्रियेतून लवकर बरा झाल्यास या वेळीही असेच काहीतरी घडू शकते.