ऋषभ पंतचा चेहरा वापरून धोनीने केली मैदानात घुसखोरी! सोशल मीडियावर फोटो झाला व्हायरल

भारतीय खेळाडूंची भेट घेणे धोनीसाठी अजिबात सोपे नव्हते. स्टेडियममध्ये प्रवेश करण्यापूर्वी त्याला शेकडो चाहत्यांचा सामना करावा लागणार होता. चाहत्यांच्या नजरेपासून वाचण्यासाठी धोनीने युक्ती करून ऋषभ पंतचा मास्क घातला. मात्र, चाहत्यांच्या हुशारीसमोर धोनीची ही युक्ती उपयोग आली नाही. काही चाहत्यांनी त्याला लगेच ओळखले. पंतचा मुखवटा घातलेला धोनीचा फोटो सध्या सोशल मीडियावर व्हायरल होत आहे.

महेंद्रसिंह धोनी सध्या इंग्लंडमध्ये आहे. त्याच्या वाढदिवसाच्या एक दिवस आधी त्याने सुनील गावसकर यांच्यासोबत विम्बल्डन स्पर्धेचा आनंद लुटला. त्यानंतर त्याने सलग दोन दिवस भारतीय संघाची भेट घेतली आणि टी २० सामने बघितले. दुसऱ्या सामन्यानंतर बीसीसीआय आणि ऋषभ पंतने आपल्या अधिकृत ट्विटर अकाउंटवर धोनीच्या भेटीचे फोटो शेअर केले होते.