Video : धोनीची बाईक राईड; सेल्फीसाठी चाहत्यांची झुंबड

भारतीय क्रिकेट संघाचा माजी कर्णधार आणि यष्टीरक्षक महेंद्रसिंग धोनी हा गेल्या बऱ्याच दिवसांपासून क्रिकेटच्या मैदानापासून दूर आहे. IPL 2020 च्या निमित्ताने तो चाहत्यांच्या दृष्टीस पडणार होता, पण करोना व्हायरसच्या फैलावामुळे आता त्या गोष्टीसाठी चाहत्यांना आणखी काही दिवस वाट पाहावी लागणार आहे. पण असे असले तरी धोनी आपल्या चाहत्यांच्या कायमच संपर्कात असल्याचे दिसून येते. धोनीच्या चाहत्यांची संख्या दिवसेंदिवस वाढत चालली आहे. रांचीतील लोक ‘लोकल बॉय’ असलेल्या धोनीची एक झलक पाहण्यासाठी वाट बघतात. धोनीदेखील आपल्या चाहत्यांना निराश करत नाही. चाहते धोनीच्या आसपास असले की तो बहुतांश वेळा त्यांची इच्छा पूर्ण करतो. असाच एक प्रकार रांचीमध्ये घडला.