विंडीजच्या भारत दौऱ्यात महत्वपूर्ण बदल, जाणून घ्या…

वेस्ट इंडिजच्या आगामी भारत दौऱ्यात बीसीसीआयने महत्वपूर्ण बदल केले आहेत. ६ डिसेंबरपासून विंडीजच्या भारत दौऱ्याला सुरुवात होणार आहे, ज्यात दोन्ही संघ ३ टी-२० आणि ३ वन-डे सामने खेळतील. मुंबईच्या वानखेडे मैदानावर पहिला सामना ६ डिसेंबररोजी रंगणार होता. मात्र बाबासाहेब आंबेडकरांच्या महापरिनिर्वाण दिनानिमीत्ताने लाखो अनुयायी मुंबईत येत असतात, त्यामुळे या दिवशी सामन्याला पोलिस बंदोबस्त पुरवण्यात मुंबई पोलिसांनी असमर्थता दर्शवली होती. त्यामुळे मुंबईत होणाऱ्या पहिल्या सामन्याचा मान आता हैदराबादला देण्यात येणार आहे.