बाबा तुम्ही लॉर्ड्सवर असं का वागलात? मुलीचा सौरव गांगुलीला प्रश्न

त्या प्रकारानंतर मी देखील थोडासा शरमलो होतो. एकदिवस माझ्या मुलीने मला अनपेक्षितरित्या त्या सेलिब्रेशनबद्दल विचारलं. बाबा, तुम्ही असं का वागलात? क्रिकेटमध्ये जिंकल्यानंतर असं करणं गरजेचं असतं का? यावर उत्तर देताना मी माझ्या मुलीची समजूत काढून तो प्रकार माझ्याकडून चुकून झाल्याचं मान्य केलं. सौरवने लॉर्ड्सवरील सेलिब्रेशनबद्दल आपली बाजू मांडली.

याचवेळी सौरवने त्या सेलिब्रेशनदरम्यान लक्ष्मणनेही आपल्याला टी-शर्ट काढू नको असा सल्ला दिल्याचं म्हटलं आहे. मात्र त्यावेळी मी वेगळ्याच जोशात असल्यामुळे कोणाचंही न ऐकता मी टी-शर्ट काढून सेलिब्रेट केलं. या कार्यक्रमात सौरवने महेंद्रसिंह धोनी आणि इतर खेळाडूंबद्दलही आपलं मत व्यक्त केलं आहे.