माझे तंत्र भारताशी अनुकूल -हेन्रिक्स

माझे गोलंदाजी आणि फलंदाजीचे तंत्र भारतीय वातावरणाशी अनुकूल आहे, असे मत ऑस्ट्रेलियाचा अष्टपैलू खेळाडू मोझेस हेन्रिक्सने व्यक्त केले. आपल्या आवडत्या भारतात हेन्रिक्स हा कसोटी पदार्पण करण्यासाठी उत्सुक आहे.
‘‘मी तरुण असताना बेजबाबदार होतो. अनेक दुखापतींवर मात केल्यानंतर मी माझ्या शरीराला साजेशा गोष्टी स्वीकारल्या. आता सातत्याने चांगली गोलंदाजी करण्याचा माझा प्रयत्न असेल. याचप्रमाणे रिव्हर्स स्विंगचाही खुबीने वापर करण्याच्या माझ्या योजना आहेत,’’ असे हेन्रिक्सने सांगितले. ‘‘फलंदाजीसंदर्भातही मी विचार केला आहे. भारतीय फिरकी गोलंदाजांचा मी दडपण झुगारून सामना करेन,’’ असे तो पुढे म्हणाला.