Naseem Shah getting emotional Video goes viral: पाकिस्तान क्रिकेट संघाने आशिया चषक आणि विश्वचषक २०२३ साठी तयारी सुरू केली आहे. अफगाणिस्तानविरुद्धच्या तीन एकदिवसीय सामन्यांच्या मालिकेतील पहिल्या दोन सामन्यांमध्ये संघाने दणदणीत विजय नोंदवून २-० अशी आघाडी घेतली आहे. मालिकेतील दुसऱ्या एकदिवसीय सामन्यात अफगाणिस्तानच्या उत्कृष्ट गोलंदाजीसमोर पाकिस्तानचा पराभव होत असल्याचे दिसत होते. मात्र, अखेर नसीम शाहने पाकिस्तानला शानदार विजय मिळवून दिला. यानंतर नसीम शाहला अश्रू अनावर झाले.
इमाम-उल-हक आणि बाबर आझम यांनी संघाला चांगली सुरुवात करून दिली, पण अखेरच्या षटकांमध्ये संघाने विकेट्स गमावल्या. त्यानंतर नसीम शाहने आपल्या बॅटने करिष्मा दाखवत शेवटच्या चेंडूवर चौकार मारून संघाला विजय मिळवून दिला. पाकिस्तानला विजय मिळवून दिल्यानंतर नसीम शाह खूप भावूक झाल्याचा दिसला आणि त्याला आपल्या आईची आठवण आली, ज्याचा व्हिडिओ सोशल मीडियावर खूप व्हायरल होत आहे.
विजयानंतर नसीम शाहच्या डोळ्यात तरळले अश्रू –
नसीम शाहने अफगाणिस्तानविरुद्धच्या दुसऱ्या एकदिवसीय सामन्यात ५ चेंडूत १० धावांची नाबाद खेळी केली. ज्यामध्ये दोन चौकारांचा समावेश होता आणि हे दोन्ही चौकार शेवटच्या षटकात नसीम शाहने मारले. पाकिस्तानच्या विजयानंतर सोशल मीडियावर एक व्हिडीओ चांगलाच व्हायरल होत आहे.
या व्हिडिओमध्ये खेळाडू मैदानापासून ड्रेसिंग रूममध्ये सेलिब्रेशन करताना दिसत आहेत. व्हिडिओमध्ये पाकिस्तानी खेळाडू नसीम शाहचे अभिनंदन करताना दिसत आहेत. पण यावेळी नसीम शाह आपल्या आईला मिस करत होता, व्हिडीओमध्ये नसीम शाह म्हणताना दिसत होते, ‘कदाचित आज माझ्या आईने हे बघितले असते….मला काहीच बोलता येत नाही.’ पाकिस्तान आणि अफगाणिस्तान यांच्यातील मालिकेतील शेवटचा सामना २६ ऑगस्ट रोजी आर.के. प्रेमदासा स्टेडियम, कोलंबो येथे खेळला जाईल. शेवटच्या वनडेत पाकिस्तानला ३-० ने मालिका जिंकायला आवडेल.
