राष्ट्रीय क्रीडा दिन : पॅरालिम्पिकपटू दिपा मलिक खेलरत्न पुरस्काराने सन्मानित

२०१६ साली रिओ पॅरालिम्पिक स्पर्धेत दिपाने रौप्यपदकाची कमाई केली होती. दिपा मलिकसोबत कुस्तीपटू बजरंग पुनियालाही खेलरत्न पुरस्काराची घोषणा करण्यात आली आहे. मात्र बजरंग सध्या रशियामध्ये आगामी जागतिक कुस्ती अजिंक्यपद स्पर्धेसाठी तयारी करतो आहे. या कारणासाठी तो या सोहळ्याला हजर राहू शकला नाही. यावेळी बोलत असताना दिपाने आपल्याला मिळालेल्या पुरस्काराबद्दल आनंद व्यक्त केला. माझ्या या कामगिरीमुळे देशात पॅरालिम्पिकपटूंकडे पाहण्याचा लोकांचा दृष्टीकोन बदलेल अशी मला आशा आहे.