Neeraj Chopra Flies To Germany After Paris Olympics 2024: भारताचा गोल्डन बॉय नीरज चोप्रा पॅरिस ऑलिम्पिक २०२४ मध्ये नीरज चोप्रा रौप्य पदक पटकावले. टोकियो ऑलिम्पिकचा सुवर्णपदक विजेता यंदाही सुवर्णपदक जिंकण्यासाठी प्रबळ दावेदार होता. यंदाच्या ऑलिम्पिकमध्ये रात्री झालेल्या भालाफेकच्या अंतिम फेरीत अर्शद नदीमने ९२.९७ मीटर विक्रमी फेक करून सुवर्णपदक पटकावले, तर नीरजने रौप्यपदक पटकावले होते. अंतिम सामन्यानंतर नीरजने खुलासा केला की, तो मांडीच्या दुखापतीमुळे या सामन्यात त्रस्त होता आणि आता त्याच्यावर शस्त्रक्रियेची गरज भासू शकते. त्यामुळे पॅरिस ऑलिम्पिक संपताच नीरजने एक मोठा निर्णय घेतला आहे.
हेही वाचा – VIDEO: “माझी अशी इच्छा आहे की…” मनू भाकेरच्या आईने नीरजचा हात स्वत:च्या डोक्यावर ठेवला अन् चर्चांना आलं उधाण
पॅरिस ऑलिम्पिकमध्ये पदक जिंकल्यानंतर नीरज चोप्रा जर्मनीला रवाना झाला आहे. रिपोर्टनुसार, शस्त्रक्रियेबाबत वैद्यकीय सल्ला घेण्यासाठी आणि आगामी डायमंड लीग स्पर्धांमध्ये भाग घ्यायचा की नाही हे ठरवण्यासाठी तो जर्मनीला गेला आहे. ऑलिम्पिकपूर्वी नीरजला मांडीच्या आतील स्नायूंचा त्रास होत होता. सामन्यानंतर प्रसारमाध्यमांशी संवाद साधताना त्याने खुलासा केला की, त्याच्या या दुखापतीवर शस्त्रक्रियेची गरज भासू शकते, म्हणून तो लवकरच डॉक्टरांकडे जाणार आहे. काही काळासाठी त्याला मैदानापासून दूर राहावे लागणार आहे. तो काही काळ कोणत्याही स्पर्धेत सहभागी होऊ शकणार नाही.
Neeraj Chopra भारतात कधी परतणार?
पीटीआयच्या वृत्तानुसार, एका नीरजच्या कुटुंबाशी संबंधित एका सूत्राने सांगितले की, नीरज चोप्रा जर्मनीला रवाना झाला आहे. किमान महिनाभर तरी तो भारतात परतण्याची शक्यता नाही. पॅरिसमधील भारतीय ऑलिम्पिक संघटनेच्या सूत्रांनीही चोप्रा जर्मनीला रवाना झाल्याचे सांगितले आहे. तो जर्मनीतील डॉक्टरांचा सल्ला घेईल. नीरजने यापूर्वी जूनमध्ये फिनलँडमध्ये झालेल्या पावो नुर्मी गेम्समधील विजयानंतर सांगितले होते की, दुखापतीचा सामना करण्यासाठी तो डॉक्टरांशी चर्चा करणार आहे.
नीरज चोप्राला हर्नियाच्या दुखापतीने त्रस्त आहे. ज्यामुळे त्याला ग्रोईनचा त्रास होत आहे. ऑलिम्पिक स्टारने पॅरिसमध्ये मांडीच्या समस्येने त्याला कसे अडथळा आणला याबद्दल सांगितले. नीरजने अंतिम फेरीतील पाचपैकी चार फाऊल थ्रो केले. ज्यामध्ये फक्त त्याचा दुसरा थ्रो त्याने 89.45 मी थ्रो केला आणि एकाच थ्रोवर रौप्यपदक पटकावले. त्याला रनअप घेतानाही त्रास होत होता. नीरजने २०२२ मध्ये वर्ल्ड चॅम्पियनशिपमध्ये ग्रोईनच्या (मांडीला दुखापत) दुखापतीबद्दल पहिल्यांदा खुलासा केला होता. तेव्हापासून त्याला त्याच्या मांडीच्या दुखापतीची समस्या होती. पण पॅरिस ऑलिम्पिकच्या तयारीसाठी आणि गेम्ससाठी त्याने या दुखापतीवर फारसे लक्ष दिले नाही.
