Neeraj Chopra likely to go surgery for his hernia issue groin injury : भारताचा स्टार भालाफेकपटू नीरज चोप्राने पॅरिस ऑलिम्पिक २०२४ मध्ये रौप्य पदक जिंकले. ८ ऑगस्ट रोजी झालेल्या अंतिम सामन्यात नीरजने दुसऱ्या प्रयत्नात ८९.४५ मीटर भाला फेकला. पुरुषांच्या भालाफेक स्पर्धेत पाकिस्तानच्या अर्शद नदीमने सुवर्णपदक जिंकले. अर्शदने दुसऱ्या प्रयत्नात ९२.९७ भाला फेकत ऑलिम्पिक विक्रम केला.आता नीरज चोप्राबाबत एक मोठी अपडेट समोर आली आहे. नीरज चोप्रा हर्नियाच्या समस्येपासून मुक्त होण्यासाठी शस्त्रक्रिया करणार आहे. यामुळे नुकतेच त्याला कंबरेच्या भागात वेदना होत आहेत.
अव्वल तीन डॉक्टर नीरजवर शस्त्रक्रिया करू शकतात. मात्र, अंतिम निर्णय नीरजलाच घ्यायचा आहे. मांडीच्या समस्येमुळे नीरजने अलीकडच्या काळात फार कमी स्पर्धा खेळल्या आहेत. नीरज चोप्रानेही अंतिम सामन्यानंतर शस्त्रक्रियेचे संकेत दिले होते. चोप्रा फायनलनंतर म्हणाला, ‘मी माझ्या टीमशी बोलेन आणि त्यानुसार निर्णय घेईन. माझ्या शरीराची सध्याची स्थिती पाहता, मी तरीही खेळत आहे. माझ्यात अजून खूप काही शिल्लक आहे आणि त्यासाठी मला स्वतःला तंदुरुस्त ठेवायचे आहे.’
नीरज चोप्राच्या कोचिंग स्टाफमध्ये मोठा बदल होणार –
पॅरिस ऑलिम्पिकमध्ये रौप्यपदक जिंकल्यानंतर नीरज चोप्राच्या कोचिंग स्टाफमध्ये मोठा बदल होणार आहे. नीरज चोप्राचे सध्याचे प्रशिक्षक क्लाऊस बार्टोनिट्झ हे आता त्याच्यासोबत राहणार नाहीत. क्लाऊस वर्षातून काही महिने नीरजसोबत काम करायचे. नीरज आणि त्यांची टीम त्यांच्या बॅकरूम स्टाफला अपग्रेड करण्याचा विचार करत आहेत. क्लाऊस २०१८ पासून नीरजसोबत काम करत होते.
नीरज चोप्राने टोकियोमध्ये सुवर्णपदक जिंकले होते –
नीरज चोप्राने टोकियो ऑलिम्पिकमध्ये सुवर्णपदक जिंकले होते. तो दिवस होता ७ ऑगस्ट २०२१. टोकियो ऑलिम्पिकमध्ये नीरज चोप्राने ८७.५८ मीटर फेक करून सुवर्णपदक जिंकले होते. पण आता नीरज गोल्डनला ८ ऑगस्टला पॅरिस ऑलिम्पिकमध्ये त्याने ८९.४५ मीटर भाला फेकत रौप्यपदकावर नाव कोरले. याआधी नीरज चोप्राने पॅरिस ऑलिम्पिक स्पर्धेतील पुरुषांच्या भालाफेक स्पर्धेत पात्रतेच्या पहिल्याच प्रयत्नात ८९.३४ मीटर फेक करून अंतिम फेरी गाठली होती.
पॅरिसमध्ये भारताने आतापर्यंत ६ पदके जिंकली-
पॅरिस ऑलिम्पिक २०२४ मध्ये भारताने आतापर्यंत ६ पदके जिंकली आहेत. ज्यामध्ये पाच कांस्य आणि एक रौप्यपदक आहे. मनू भाकेरने १० मीटर एअर पिस्तूलमध्ये प्रथम कांस्यपदक मिळवले. त्यानंतर मनू भाकरनेही मिश्र सांघिक स्पर्धेत सरबज्योत सिंगसह दुसरे कांस्य मिळवले. तसेच स्वप्नील कुसाळेने पुरुषांच्या ५० मीटर रायफल थ्री पोझिशन नेमबाजीत तिसरे कांस्यपदक जिंकले. त्यानंतर हॉकी संघाने कांस्यपदक तर नीरज चोप्राने रौप्यपदक पटकावले. यानंतर अमन सेहरातवने कुस्तीत कांस्यपदक जिंकले.
