U-19 Asia Cup 2024 : विकेटच्या सेलिब्रेशनचा फाजील उत्साह अंगाशी; मैदान सोडून गाठावं लागलं हॉस्पिटल

नेपाळच्या गोलंदाजाला विकेटचं सेलिब्रेशन भोवलं –

वास्तविक, बांगलादेशविरुद्ध गोलंदाजी करताना युवराज खत्रीने डावाच्या २८व्या षटकात लागोपाठ दोन चेंडूंत दोन विकेट्स घेत खळबळ उडवून दिली होती. युवराजने जेव्हा पहिली विकेट घेतली तेव्हा त्याने दक्षिण आफ्रिकेच्या तबरेझ शम्सीच्या स्टाईलमध्ये शूज काढून सेलिब्रेशन केले होते, मात्र दुसऱ्या विकेटनंतर युवराज इतका उत्तेजित झाला की त्याने वेगात धावताना त्याचा पाय मुरगळला. ज्यामुळे तो मैदानावर आडवा झाला. यानंतर त्याला चालताही येत नव्हते, म्हणून त्याच्या सहकारी खेळाडूने त्याला आपल्या पाठीवर बसवून मैदानातून बाहेर नेले. या घटनेचा व्हिडीओ व्हायरल होत आहे.

बांगलादेशचा नेपाळवर मोठा विजय –

सामन्यात बांगलादेश संघाने नेपाळचा सहज पराभव केला. या सामन्यात नेपाळ संघाने प्रथम फलंदाजी करताना ४५.४ षटकात १४१ धावा केल्या होत्या. नेपाळकडून आकाश त्रिपाठीने सर्वाधिक ४३ धावांची खेळी साकारली. त्याच्याशिवाय उत्तम मगर आणि अभिषेक तिवारी यांनी प्रत्येकी २९-२९ धावांचे योगदान दिले.

हेही वाचा – PV Sindhu Marriage : पी.व्ही. सिंधू लवकरच अडकणार लग्नाच्या बेडीत; जाणून घ्या कोणाशी आणि कधी करणार लग्न?

u

u

नेपाळने दिलेल्या केवळ १४२ धावांच्या लक्ष्याचा पाठलाग करण्यासाठी आलेल्या बांगलादेशी संघाची सुरुवात खूपच खराब झाली. अवघ्या १ धावांच्या स्कोअरवर संघाची पहिली विकेट गेली. मात्र, यानंतर जावाद अबरार आणि अझीझ उल हकीम यांनी दमदार अर्धशतके झळकावत १२८ चेंडू शिल्लक असताना संघाला सहज विजय मिळवून दिला.