४-५ संधी मिळतील, स्वतःला सिद्ध करा ! कर्णधार विराटचा नवोदीत खेळाडूंना सल्ला

“विश्वचषकाआधी आम्हाला ३० सामने खेळायला मिळतील. संघाचा विचार केला तर आमची रणनिती ठरली आहे. मी ज्यावेळी भारतीय संघात पदार्पण केलं, त्यावेळी मी देखील मला सिद्ध करण्यासाठी खूप साऱ्या संधी मिळतील अशी अपेक्षा केली नव्हती. तुम्हाला ४-५ संधी मिळतील, त्याचा तुम्हाला लाभ घेता आला पाहिजे. आम्ही सध्या या तोडीचा खेळाडू शोधत आहोत.” Star Sports वाहिनीशी बोलत असताना विराट बोलत होता. जो खेळाडू मिळालेल्या संधीचं सोन करेल तो संघात आपलं स्थान टिकवेलं, हे देखील विराटने स्पष्ट केलं.

टी-२० विश्वचषकासोबतच भारत सध्या सुरु असलेल्या कसोटी अजिंक्यपद स्पर्धेकडेही लक्ष ठेवून आहे. या स्पर्धेसाठीही नवीन खेळाडूंना संधी देण्याचा विचार असल्याचं विराटने बोलून दाखवलं. दरम्यान पहिला सामना पावसामुळे रद्द झाल्यानंतर, भारत आणि दक्षिण आफ्रिका यांच्यातील दुसरा टी-२० सामना बुधवारी चंदीगढच्या मैदानावर खेळवण्यात येणार आहे.