सचिनचे विक्रम इतक्या लवकर कोणी मोडेल असं वाटलं नव्हतं, कपिल देवकडून विराटचं कौतुक

“कोहलीला अजून खूप खेळायचं आहे. कारकिर्दीच्या मध्यावर त्याच्याबद्दल काही बोलणं योग्य ठरणार नाही पण त्याने आतापर्यंत भारतीय क्रिकेटला दिलेलं योगदान मोलाचं आहे. कोणीतरी सचिनने केलेले विक्रम इतक्या लवकर मोडेल याची मी कल्पनाही केली नव्हती. मात्र विराट सध्या एका वेगळ्याच फॉर्मात आहे.” कपिल देव यांनी विराट कोहलीची स्तुती केली.

दरम्यान या सोहळ्याला विराट कोहलीची पत्नी अनुष्का शर्मा आणि संपूर्ण परिवार उपस्थित होता. आपल्या पतीचा मोठ्या पातळीवर होत असलेला सत्कार पाहून अनुष्कालाही आपले आनंदाश्रू रोखता आले नाही. विंडीज दौरा गाजवल्यानंतर भारतीय संघासमोर आता दक्षिण आफ्रिकेचं आव्हान असणार आहे. १५ सप्टेंबरपासून दक्षिण आफ्रिकेच्या भारत दौऱ्याला सुरुवात होणार आहे. या दौऱ्यात भारत ३ टी-२० आणि ३ कसोटी सामने खेळणार आहे.

अवश्य वाचा – खेळाशी प्रामाणिक राहा, कोणत्याही स्तरावर चांगली कामगिरी कराल – विराट कोहली