मी कोणत्याही क्रमांकावर फलंदाजी करण्यासाठी तयार – श्रेयस अय्यर

दक्षिण आफ्रिका दौऱ्यातला अनुभव एक फलंदाज म्हणून मला खूप कामाला येतोय. याआधीही मी चांगली कामगिरी करत होतो, मात्र या चांगल्या खेळीचं शतकात रुपांतर करणं मला जमतं नव्हतं. मात्र दक्षिण आफ्रिका दौऱ्यात मी नेटाने फलंदाजी करत शतक ठोकल्याचं श्रेयस म्हणाला. पहिल्या टी-२० सामन्याआधी श्रेयसने नवी दिल्लीत पत्रकारांशी संवाद साधला.

संघात जागा मिळाल्यास आपण कोणत्याही क्रमांकावर फलंदाजी करण्यासाठी तयार असल्याचं श्रेयसने म्हणलंय. आयपीएलमध्ये दिल्लीच्या संघाकडून खेळताना मला प्रत्येक १ ते ३ क्रमांकावर खेळण्याचा अनुभव मिळाला आहे. त्यामुळे या गोष्टी माझ्यासाठी महत्वाच्या ठरत नसल्याचंही श्रेयसने स्पष्ट केलंय. संधी मिळाल्यास आपण १०० टक्के कामगिरी करुन संघात आपलं स्थान बळकट करु, असंही श्रेयस म्हणाला. त्यामुळे या सामन्यात श्रेयस अय्यरला संघात जागा मिळते का हे पहावं लागणार आहे.