फिफा विश्वचषकातील दुखापतीनंतर सावरलेल्या नेयमारने शनिवारी ला लीगा फुटबॉल स्पर्धेत शानदार पुनरागमन केले. लिओनेल मेस्सीच्या सहकार्याने नेयमारने सहा मिनिटांत दोन गोल झळकावत बार्सिलोनाला अॅटलेटिको बिलबाओवर २-० असा विजय मिळवून दिला. सलग तिसऱ्या विजयामुळे बार्सिलोनाने गुणतालिकेत अव्वल स्थान कायम राखले आहे. ६३व्या मिनिटाला मैदानावर उतरणाऱ्या नेयमारने ७९व्या मिनिटाला बार्सिलोनाचे खाते खोलले. त्यानंतर पाच मिनिटांनी दुसरा गोल नोंदवला.
